Մասնագետները թվարկում են վտանգավոր իրավիճակները

Մանկաբույժները հաշվել են շուրջ 150 վտանգավոր իրավիճակ, որոնց արդյունքում երեխաները կարող են լուրջ վնասվածքներ ստանալ և, նույնիսկ, մահանալ: Դրանից հնարավոր է խուսափել, եթե ձգտենք լինել ավելի զգույշ և պահպանենք անվտանգության կանոնները: Թվարկենք երեխաների համար վտանգ ներկայացնող իրավիճակներից մի քանիսը:

Շատ երեխաներ վնասվածքներ են ստանում որևէ բարձր տեղից, օրինակ՝ ճոճանակներից ընկնելու հետևանքով: Փոքրիկը չի կարողանում ամուր բռնվել, ընկնում է, այնուհետև բարձրանում, և դեռևս շարժման մեջ գտնվող ճոճանակը հարվածում է երեխային: Ամենից հաճախ հարվածը դիպչում է փոքրիկի գլխին: Դրա հետևանքով նա կարող է գանգուղեղային ծանր վնասվածք ստանալ: Երեխային կարուսելին նստեցնելուց առաջ պետք է զգուշացնել, որ ընկնելու դեպքում անհրաժեշտ է մոտ մեկ մետրի չափ կողք սողալ և նոր միայն գետնից բարձրանալ:

Ամռանը բերքի հասունանալու հետ միաժամանակ շատանում են նաև երեխաների ծառերից ընկնելու դեպքերը:

Պետք չէ մոռանալ բաց պատուհանների մասին: Երբեք չի կարելի փոքրիկին բաց պատուհանով սենյակում միայնակ թողնել: Նա կարող է, բարձրանալ աթոռի վրա, դուրս նետել խաղալիքը, ձգվել դրա հետևից և… կարող է տեղի ունենալ անդառնալին:

Մինչև մեկ տարեկան երեխաները հաճախ ընկնում են մեծահասակների մահճակալի վրայից: Մայրիկը նրան այնտեղ է դնում տակաշորերը փոխելու համար, երբ հանկարծ դուռը զանգում են: Հարևանուհին մի քիչ շաքարավազ է ուզում կամ դրա նման մի բան: Առանց հսկողության մնացած փոքրիկն սկսում է այս ու այն կողմ գլորվել կամ «չոչ անել» ու ընկնում է մահճակալից: Այս ամենից կարելի է խուսափել, եթե սենյակից նույնիսկ կարճ ժամանակով հեռանալիս մայրիկը երեխային իր հետ վերցնի:

Հարկ է հաշվի առնել, որ փոքր երեխաները դեռևս չեն կարողանում ճիշտ գնահատել բարձրության վտանգը: Ռուսաստանում մի դեպք է եղել, երբ առաջին դասարանցի մի աղջնակ պատուհանից դուրս է թռել, որպեսզի դասից չուշանա: Կողպելով դուռը՝ տատիկը խանութ էր գնացել և փոքր-ինչ ուշացել:

Քիչ չեն նաև այն դեպքերը, երբ երեխաներն ընկնում են ծնողների ձեռքերից: Խոսքը մեկ-երկու տարեկան փոքրիկներին վեր-վեր թռցնելու անհեթեթ սովորության մասին է: Մեկ-երկու, երրորդ անգամ հայրիկը կարող է չկարողանա բռնել երեխային:

Փոքրիկը կարող է ընկնել նաև մանկասայլակի միջից: Հատկապես պետք է ուշադիր լինել աստիճաններով իջնելիս: Այդ ժամանակ երեխային պետք է մանկասայլակից հանել և գրկել: Մեծահասակը կարող է ոտքը ոլորել կամ սայթաքել և ձեռքից բաց թողնել սայլակի բռնակը, մինչդեռ եթե երեխան գրկին լինի, նրան պահելն ավելի հեշտ կլինի: Սայլակը նաև չի կարելի թողնել շենքի պատուհանների տակ: Միջանցիկ քամուց փշրված ապակու կտորտանքը, տանիքից պոկված թիթեղը, ճաքած պատի բեկորը, ծխախոտի մնացորդը և, վերջապես, հարևանների նետած իրերը կարող են ընկնել դրա վրա (գաղտնիք չէ, որ մեր համաքաղաքացիներից շատերն են տառապում այդ արատավոր սովորույթով) ու վնասել երեխային:

Վտանգավոր իրավիճակների «ցուցակում» հաջորդը հեծանիվի հետ կապված վտանգներն են: Օրինակ՝ երեխան կարող է կտրուկ շրջադարձ կատարել, որի հետևանքով հեծանիվը շուռ կգա, իսկ ինքը որովայնով կընկնի ղեկի վրա: Դա կարող է վնասել ներքին օրգանները, և շատ դեպքերում անհրաժեշտ է լինում վիրահատական միջամտություն կատարել:

Անդրադառնանք տրանսպորտի մեկ այլ միջոցի՝ ավտոմեքենա: Մասնագետները կտրականապես արգելում են մեքենա վարելիս փոքրիկին նստեցնել վարորդի կողքին: Վիճակագրության համաձայն՝ վթարի ժամանակ դա ավտոմեքենայի ամենախոցելի տեղն է: Երեխայի տեղն ավելի պակաս վտանգավոր գոտում է՝ վարորդի հետևի նստարանին, աջ կողմում:

Վտանգավոր են ոչ միայն շարժվող, այլև կանգնած ավտոմեքենաները: Մասնագետների հավաստմամբ՝ հատկապես վտանգավոր են մեծ մեքենաները (օրինակ՝ բեռնատարները, ավտոբուսները), որոնց հետևում փոքրիկը կարող է խաղալիս թաքնվել: Ավտոմեքենաների նկատմամբ պետք է ուշադիր լինել ոչ միայն խաղալիս, այլև՝ փողոցն անցնելիս: Մեծ մեքենաները փակում են տեսադաշտը և ճանապարհն ամբողջությամբ չի երևում: Անհրաժեշտ է սպասել, մինչև մեքենան տեղից կշարժվի, տեսադաշտը կբացվի և հետո նոր անցնել փողոցը:

Հիշեք, որ ավտոբուսները չի կարելի շրջանցել ո՛չ առջևից, ո՛չ հետևից:

ՄԵկ այլ վտանգավոր իրավիճակ է ստեղծվում, երբ փողոցն անցնելիս ծնողները երեխայի մանկասայլակը պահում են իրենց առջևում: Լավ է, եթե վարորդները նկատում են այն և ճանապարհի այդ հատվածն ավելի զգույշ անցնում, սակայն, եթե որևէ մեկը որոշի սայլակը շրջանցել ոչ թե ձախից, այլ՝ աջ կողմից, ապա հետևանքներն անկանխատեսելի կլինեն:

Անվտանգությունը հրդեհի ժամանակ

Կարդալով այս հոդվածը՝ դու ձեռք կբերես անհրաժեշտ գիտելիքներ և հմտություններ, ինչպես հրդեհները կանխելու, այնպես էլ հրդեհ առաջանալու դեպքում իրավիճակը գնահատելու և ճիշտ գործելու համար:

Ինչպես գիտենք, այրման համար նույն տեղում և նույն պահին պետք է լինեն՝

այրվող նյութ
օդ (թթվածին)
կայծ կամ կրակ

Այս երեքից որևէ մեկի բացակայությունն անհնար է դարձնում այրումը կամ էլ բերում է արդեն այրվող նյութի (կրակի մարմանը):

Այրվող նյութեր հանդիպում են ամենուր և դրանք կարող են լինել գազային, հեղուկ կամ պինդ վիճակում (օրինակ՝ գազ, բենզին, փայտ): Այրումը կարող է ընթանալ դանդաղ կամ պայթյունի ձևով: Այրման ժամանակ ջերմություն է անջատվում և ջերմաստիճանը կարող է հասնել մինչև 1000-12000 C:

Հրդեհը չվերահսկվող այրումն է, որն ուղեկցվում է նյութական արժեքների ոչնչացումով և մարդկանց կյանքի ու առողջության համար վտանգ է առաջացնում:

Հիշենք այս ասացվածքը՝ «Առաջին րոպեին հրդեհը կարելի է մարել մի բաժակ ջրով, երկրորդ րոպեին՝ մի դույլ ջրով, երրորդ րոպեին՝ հրշեջ մեքենայով»:

Հրդեհները շատ վտանգավոր են, հրդեհի ժամանակ այրվում են իրերը, բնակարանը և նույնիսկ ամբողջ շենքը (տունը): Բայց ամենասարսափելին այն է, որ հրդեհի ժամանակ կարող են զոհվել մարդիկ: Այդ է պատճառը, որ միշտ պետք է հիշել հակահրդեհային անվտանգության հետևյալ կանոնները՝

չի՛ կարելի խաղալ լուցկիներով կամ կրակվառիչներով,
առանց մեծահասակների մի՛ մոտեցիր վառարանին և մի՛ բացիր դռնակը: Դուրս թռչող կրակներից կամ մոխրից կարող է հրդեհվել բնակարանը,
չի՛ կարելի օգտագործել ինքնաշեն էլեկտրասարքավորումներ,
մեկ վարդակից (ՐՏջպՑՍՈ) չի՛ կարելի միացնել մի քանի էլեկտրասարքավորում,
տնից կամ սենյակից դուրս գալիս մի՛ մոռացեք անջատել էլեկտրասարքավորումները (հատկապես արդուկը, հեռուստացույցը, տաքացուցիչները),
տոնածառից մի՛ կախիր էլեկտրական զարդեր և լույսեր, նաև հիշի՛ր, որ բամբակյա մորուքներն ու թղթե թիկնոցները հեշտ են բռնկվում,
երբեք տանը մի՛ վառիր բենգալյան կրակներ և հրավառելիք (և ընդհանրապես, ավելի լավ է դա անել միայն մեծահասակների ներկայությամբ),
բենզինով լցված մետաղյա տարողությունն ավելի անվտանգ է, քան բենզինից դատարկված տարողությունը, քանի որ դրա ներսում կարող են կուտակվել բենզինի պայթունավտանգ գոլորշիներ՝ օդի հետ խառնված վիճակում,
չի՛ կարելի կրակի մեջ գցել անծանոթ առարկաներ, մասնավորապես՝ աէրոզոլային տուփեր, քանի որ դրանք ևս պայթունավտանգ են,
երբ տանը կա կրակմարիչ, ապա անպայման ծանոթացի՛ր դրա օգտագործման կանոններին: Հիշի՛ր, որ մեկ կրակմարիչը փոխարինում է լոգարանի մեկ վաննա ջրին,
կրակմարիչները լինում են՝ փրփրային, ածխաթթվային և փոշե:

Ածխաթթվային կրակմարիչներով կարելի է մարել բոլոր տեսակի այրվող նյութերը, նույնիսկ լարման տակ գտնվող էլեկտրասարքավորումները: Իմիջիայլոց՝ լարման տակ գտնվող էլեկտրասարքավորումները չի՛ կարելի մարել ջրով կամ փրփուրային կրակմարիչներով, քանի որ կարող եք հոսանքահարվել: Նախ պետք է անջատել հոսանքից, այնուհետև՝ մարել:

Մի՛ չորացրու լվացքն էլեկտրասալիկի վերևում: Շատ լավ է, որ դու մայրիկին օգնում ես, բայց վատ կլինի, եթե այն բռնկվի և հրդեհի պատճառ դառնա:

Եթե տանը հրդեհ է բռնկվել

Եթե հրդեհով բռնկված սենյակի (բնակարանի) դուռը դրսից բացեք, ապա կրակը կհարվածի ձեզ դեմ-դիմաց: Ուստի դուռը պետք է բացել դանդաղ և անպայման կանգնել դռան կողքը:

Եթե մուտքում (աստիճանահարթակում) հրդեհ է, և դուք բացում եք ձեր բնակարանի դուռը, ապա ձեր բնակարանը վերածվում է մի հսկա ծխնելույզի և եթե ծուխն անցնի բնակարանի միջով, ապա բնակարանում այլևս ապրել չի լինի, մինչև այն հիմնովին չվերանորոգվի:

Եթե տանը բռնկած հրդեհը մեծ չէ, կարելի է փորձել անմիջապես մարել այն կրակի վրա գցելով պինդ կտոր, ծածկոց կամ վերարկու:

Հիշի՛ր, այրվող բենզինը կամ նավթը չի՛ կարելի մարել ջրով, քանի որ բենզինը ջրից թեթև է, ջուրը իջնում է հատակը և կրակը մարելու հատկությունը կորցնում: Նույն պատճառով, եթե ճաշ պատրաստելիս այրվում է թավայի միջի յուղը, ապա ջուր չի՛ կարելի լցնել, այլ պետք է թավան ծածկել թաց սրբիչով:

Եթե կրակն անմիջապես չի մարում, անհապաղ տանից դուրս վազիր դեպի անվտանգ վայր և միայն այդ ժամանակ ահազանգիր հրշեջ պահպանությանը1-01 հեռախոսահամարով (կամ հարևանին խնդրիր ահազանգել):

Դուրս վազելիս անպայման պետք է փակել այն սենյակի դուռը, որտեղ հրդեհ է բռնկել: Փակելով դուռը հնարավոր է ոչ միայն կանխել ծխի տարածումը, այլև երբեմն մարել կրակը, քանի որ թթվածնի մուտքը փակվում է (եթե իհարկե սենյակի պատուհանները փակ են):

Եթե սենյակում հրդեհ է, չի՛ կարելի կոտրել պատուհանների ապակիները, այլապես սենյակ մուտք կգործի թարմ օդ (թթվածին), որից կրակն ավելի կուժեղանա:

Եթե հրդեհը տարածվել է նաև շքամուտքում, ապա երբեք մի՛ նստիր վերելակ: Այն կարող է անջատվել և դու կխեղդվես, քանի որ ծուխը նախ և առաջ կուտակվում է վերելակի հորանում:

Եթե ապրում եք վերին հարկերում, մի՛ փորձիր դուրս գալ: Անցնելով 2-3 հարկ՝ դու կարող ես թունավորվել այրումից առաջացած թունավոր ծխով: Ուստի մնա տանը, փակիր բոլոր դռները և փեղկերը թաց շորերով: Անմիջապես ահազանգիր 1-01 և հրշեջներին հայտնիր քո բնակարանի ճշգրիտ հասցեն: Պատուհանից օգնության կանչիր հարևաններին և անցորդներին: Այնուհետև փակիր պատուհանները և իջեցրու վարագույրները: Հատակը և դռները թրջիր ջրով: Գազը և էլեկտրականությունն անջատիր անմիջապես:

Հրդեհի ժամանակ ծուխն ավելի վտանգավոր է, քան կրակը: Մարդկանց մեծ մասը ծխից է խեղդվում (հատկապես վտանգավոր է պլաստմասաների այրումից առաջացող թունավոր ծուխը): եթե զգում ես, որ շնչահեղձ ես լինում, ապա կքանստած կամ սողալով (չորեքթաթ) շարժվիր դեպի ելքը, քանի որ ներքևում ծուխը քիչ է: Ուժեղ ծխի դեպքում պետք է շնչել թրջած կտորի միջով:

Հիշիր, մի քանի անգամ ծուխը ներշնչելուց հետո մարդը կարող է կորցնել գիտակցությունը: Ինչպե՞ս մարել մարդու վրայի այվող հագուստը: Պետք է հիշել հետևյալ օրենքը. «Կանգնի՛ր, ընկի՛ր, գլորվի՛ր»: Վառվող մարդուն պետք է կանգնեցնել, գցել գետնին և գլորել, այդպես մարելով կրակը: Կարելի է նաև փաթաթել ծածկոցով կամ խիտ գործվածքով կտորով:

Երբ փակ սենյակում ինքդ քեզ ես օգնում այս ձևերով, պետք է զգուշանաս նաև թունավոր գազից ծխախեղդ լինելուց:

Եթե հաղորդման ժամանակ հեռուստացույցից ծուխ է դուրս գալիս և այն բոցավառվում է, ապա անհապաղ պետք է անջատել այն հոսանքի աղբյուրից, օգնություն կանչել, վրան գցել որևէ ծածկոց, և ջուր լցնել վերևից: Ընդ որում մարելու ողջ ընթացքում պետք է կանգնել էկրանից հեռու՝ հեռուստացույցի կողքը, քանի որ էկրանը կարող է պայթել:

Շատ վտանգավոր է նաև մարմանդ, հանդարտ կրակը: Օրինակ՝ երբ չհանգցրած ծխախոտի մնացորդը ընկնում է ծածկոցին կամ բարձին, կամ էլ մխում է պլաստմասսայե աղբամանում, ապա մարմանդ հրդեհի ծխի պատճառով մեկ ժամում կարող են զոհվել ընտանիքի բոլոր անդամները:

Հրդեհի ժամանակ չի կարելի թաքնվել վարագույրների հետևում, պահարաններում, սեղանների և մահճակալների տակ: Իսկ եթե թաքնվել ես, ապա անպայման պետք է արձագանքել (պատասխանել), երբ հրշեջները կամ փրկարարները քեզ կանչում են:

Սպասելով հրշեջների գալուն՝ խուճապի մի՛ մատնվիր և մի՛ ցատկիր պատուհանից դուրս: Հիշիր՛ քեզ անպայման կփրկեն:

Երբ հրշեջները կժամանեն, լսիր նրանց և մի՛ վախեցիր: Նրանք շատ լավ գիտեն, թե ինչպես քեզ փրկեն:

Եղեք ուշադիր

Երեխաներն ընտանիքի “թույլ” օղակն են, ամենից խոցելի եւ առավել շատ ենթակա տարատեսակ վտանգների: Նրանց անվտանգությունը խնդիր է բոլոր ծնողների համար: Եթե փոքրուց չսովորեցնեք երեխային լինել ուշադիր, կարողանալ պաշտպանել ինքն իրեն եւ ինքնուրույն հոգալ սեփական անվտանգության մասին, ապա եւ՛ նա, եւ՛ դուք կարող եք բախվել բազմաթիվ խնդիրների ու հաճախ հայտնվել տհաճ իրավիճակներում: Ուստի դեռեւս վաղ հասակից երեխային պետք է ծանոթացնել իր անվտանգությունն ապահովելու տարրական հմտություններին: Դրա համար մասնագետները խորհուրդ են տալիս նրանց ուսուցումը տանել երկու զուգահեռ ուղղությամբ: Առաջինն, իհարկե, ուսուցումն է, երեխայի հետ տարվող բացատրական աշխատանքը: Ջանացեք նրա մեջ մշակել վարքի որոշակի կանոններ, որոնք պետք է դառնան համարյա մեխանիկական, բնազդային:

Դրա համար անհրաժեշտ է.

շրջապատում կատարվող իրադարձություններն ընկալելիս օգտագործել բոլոր զգայարանները (աչքեր, ականջներ, քիթ եւ այլն).
վստահել բնազդին եւ գործել դրան համապատասխան.
կարողանալ ժամանակին եւ ճիշտ որոշումներ ընդունել (երբ պետք է բղավել, երբ եւ ումից օգնություն խնդրել, երբ փախչել, երբ ուշադիր նայել շուրջը եւ այլն).
նկատել եւ հիշել շրջապատում եղած բոլոր մանրուքները.
լավ իմանալ այն տարածքը, որտեղ բնակվում եք.
չմոտենալ լքված, ամայի վայրերին.
հեռու մնալ թանձր բուսականությամբ ծածկված վայրերից, որտեղ կարող են մարդիկ թաքնվել.
իմանալ մոտակայքում եղած բոլոր այն վայրերը (խանութներ, գրասենյակներ, պետական մարմինների շենքեր եւ այլն), որտեղ կարելի է թաքնվել, օգնություն խնդրել կամ որտեղ ոստիկաններ ու անվտանգության աշխատակիցներ կան.
հնարավորության դեպքում միշտ շրջել մեծ ընկերախմբով.
աշխատել քիչ ուշադրություն գրավել պահվածքով (բարձր-բարձր չխոսել, ոչ մեկին մատնացույց չանել եւ այլն) եւ արտաքինով (թանկարժեք զարդեր, բջջային հեռախոս եւ այլն):

Այս հատկություններն ու սովորությունները երեխայի մեջ պետք է մշակել աստիճանաբար, ժամանակ առ ժամանակ խոսելով ու բացատրելով նրան, թե ինչպես պետք է վարվել այս կամ այն պարագայում:

Երեխայի անվտանգությունն ապահովելու երկրորդ ուղղությունը շրջապատի հետ տարվող աշխատանքն է: Եթե ցանկանում եք փոքրիկին միայնակ ուղարկել դպրոց կամ բակում խաղալու, ապա նախապես շրջեք նրա հետ բոլոր հարակից փողոցներում՝ համոզվելու համար, որ այնտեղ երեխային որեւէ վտանգ չի կարող սպառնալ, ինչպես նաեւ նրան ցույց տվեք բոլոր այն վայրերը, որտեղ այնքան էլ ապահով չէ գտնվել: Նրա հետ որոշեք այն ճանապարհը, որով նա պետք է դպրոց գնա: Պայմանավորվեք, որ նա երբեք չպետք է շեղվի ձեր նախանշած ուղուց, փորձի ճանապարհը կարճել, շրջանցել կամ դասերից հետո ավելի երկար մնալ դպրոցի բակում, երբ դասընկերներն արդեն տուն են գնացել: Նրան միայնակ դպրոց թողնելուց հետո որոշ ժամանակ աննկատ կերպով կարող եք հետեւել նրան՝ համոզվելու համար, որ նա ճշտորեն կատարում է ձեր հրահանգները:

Երեխային անհրաժեշտ է սովորեցնել, թե վտանգի դեպքում երբ, որտեղ եւ ումից կարելի է օգնություն խնդրել: Այդ մարդկանց ընտրությունը պետք է կատարեն ծնողները: Օրինակ՝ դա կարող է լինել դպրոցի մոտ գտնվող կրպակում աշխատող ձեր հարեւանը: Ընտրությունը անհատականացված է ու կախված տարբեր գործոններից: Սակայն գոյություն ունեն մի քանի ընդհանուր սկզբունքներ: Այսպես ասած □անվտանգության կղզյակներ□ կարող են լինել դպրոցը, մթերային խանութը, բանկը, ոստիկանության կամ հրշեջ մասը, գրադարանը եւ այլն:
Երեխային կարող են օգնել հարեւանը, ընտանիքի մտերիմներից մեկը, ազգականը, ոստիկանը, մոտակա կառույցի (դպրոց, խանութ եւ այլն) պահակը կամ անվտանգության աշխատակիցը եւ բոլոր համազգեստ հագած անձինք: Ահա թե ինչու են մասնագետները խորհուրդ տալիս դիմել համազգեստով մարդկանց.

շատ մեծահասակներ օգնություն խնդրող երեխաների կամ դեռահասների նկատմամբ վստահություն չեն տածում, եւ նույնիսկ վախենում են, այլ ոչ թե կարեկցում.
համազգեստով մարդիկ իրենց աշխատանքի բնույթից ելնելով ստիպված են որոշակի ծառայություններ մատուցել, ուստի նրանք ի սկզբանե պատրաստ են օգնել ուրիշին.
դիմելով քաղաքացիական հագուստով մարդու՝ երեխան իրեն որոշակի վտանգի է ենթարկում, մինչդեռ հավանականությունը, որ համազգեստով անձը կարող է խուլիգան կամ հանցագործ լինել, շատ չնչին է, սակայն փոքրիկին պետք է սովորեցնել, որ նա ուշադրություն դարձնի գլխարկի ձեւին, դրա վրայի զինանշանին, ուսադիրներին եւ համազգեստի մյուս պարագաներին:

Այլ մարդուց եկող վտանգը ոչ միշտ է ակնհայտ: Հնարավոր է, որ սկզբում նա փորձի երեխայի հետ բարեկամական հարաբերություններ հաստատել: Այս ռիսկն ամբողջությամբ բացառել հնարավոր չէ, սակայն կարելի է հասցնել նվազագույնի՝ երեխային սովորեցնելով լինել զգույշ եւ ուշադիր: Այս առումով խորհուրդներ տալը շատ դժվար է, քանի որ անսպասելի եւ արտակարգ իրավիճակներում հայտնվելուց ապահովագրված չեն ո՛չ մեծահասակները, ո՛չ էլ առավել եւս փոքրերը: Ահա դրանց հավանականությունը նվազեցնելու մի քանի ընդհանուր կանոն:

Երեխաների հետ պետք է հասատատել եւ պահպանել փոխադարձաբար վստահելի հարաբերություններ, որպեսզի միշտ իմանաք նրա հետ կատարվող բոլոր իրադարձությունները:
Հիշեք, որ անվտանգության չհիմնավորված միջոցները կարող են բացասաբար ազդել երեխայի վրա՝ նրան դարձնելով երկչոտ եւ անընդունակ հաղթահարելու նույնիսկ չնչին դժվարությունները:
Երեխայի համար անհատական պարապմունքների ուսուցիչ ընտրելիս պետք է նախապես հետաքրքրվել նրա ոչ միայն մասնագիտական, այլեւ անձնական հատկություններով:
Երեխան պետք է սովորություն դարձնի մինչեւ մութն ընկնելը տուն վերադառնալ եւ միշտ ծնողներին տեղյակ պահել իր գտնվելու վայրի մասին:
Առանց ծնողների թույլտվության չի կարելի ուրիշներից քաղցրավենիք կամ այլ նվերներ ընդունել:
Ասացեք փոքրիկին, որ չի կարելի ծնողների բացակայության պարագայում անծանոթ մարդկանց հետ խոսել:
Երեխաներին սովորեցրեք արագ արձագանքման ծառայությունների հեռախոսահամարները եւ ինչպես պետք է օգտվել տան ու բջջային հեռախոսներից:
Փոքրիկներն իրենց ընկերներին տուն պետք է հրավիրեն միայն այն ժամանակ, երբ ծնողներից մեկը նույնպես տանն է:
Սովորեցրեք նրանց, որ անկախ ծնողների ուշադրությունից, իրենք եւս պետք է զգոն լինեն՝ մշտապես փակ պահեն մուտքի դուռը, ջրի ծորակը, գազօջախը, միացրած չթողնեն էլեկտրական սարքերը եւ այլն:

Հրդեհ

Նոր հեռուստանախագիծ՝ Տավուշ TV եթերում «Գիտելիքի բանալի»

Սիրելի հեռուստադիտողներ

Շատ շուտով Տավուշ ՀԸ եթերում կմեկնարկի նոր «Գիտելիքի բանալի» գիտակրթական հեռուստանախագիծը `Տավուշի դպրոցահասակ երեխաների համար։ «Գիտելիքի բանալի» հաղորդաշարը նպատակ ունի միավորել և սատարել խելացի դպրոցականներին՝ հնարավորություն ընձեռելով ինքնադրսևորվելու։

Նախագծին մասնակցելու համար անհրաժեշտ է անցնել հետևյալ հղումով` https://docs.google.com/forms/d/1ie լրացնել հայտը, և մենք շուտով կապ կհաստատենք Ձեր հետ։

Լիլի Խաչատրյան․ Երգ Իջևանի մասին

Հայրենի Իջևանի մասին երգի իր յուրօրինակ տարբերակով Տավուշ TV-ի եթերում է ութամյա Լիլի Խաչատրյանը՝ քաղաք Իջևանից։

Եթե Ձեր երեխան ևս ունի բացառիկ որևէ տաղանդ՝ լավ երգում է, նվագում է, ասմունքում, ունի մարզական կամ այլ նվաճումներ, ապա նա կարող է հայտնվել մեր եթերում։ Ուղարկե՛ք երեխայի հմտությունները ներկայացնող տեսանյութը մեր info@tavushmedia.am հասցեին, և նախնական ընտրությունն անցնելու դեպքում՝ այն կհայտնվի մեր եթերում, յութուբյան էջում և կայքում։

Ռուզաննա Մելքոնյան․ «Գրիչ» (Հովհաննես Թումանյան)

Նորաթուխ աշակերտի գանգատը իր գրչին՝ Հովհաննես Թումանյանի «Գրիչ» ստեղծագործությունն է մեր եթերում ներկայացնում Ռուզաննա Մելքոնյանը (6 տարեկան, քաղաք Իջևան):

Հրաչ Շահվերդյան․ Պոչատ աղվեսի հեքիաթը

Նոյեմբերյանի տարածաշրջանի Կոթի գյուղից չորսամյա Հրաչ Շահվերդյանը Տավուշ TV-ի եթերում պատմում է «Պոչատ աղվեսի հեքիաթը»։

Գագիկ Կլեկչյան․ «Դուն իմ մուսան ես» (Գուսան Շերամ)

Տավուշ գյուղից 11-ամյա Գագիկ Կլեկչյանը կատարում է գուսան Շերամի «Դուն իմ մուսան ես» ստեղծագործությունը։

Աննա Մելքոնյան․ Քանոնով կատարում

Իր քանոնի գեղեցիկ հնչյուններով մեր եթերում է հայտնվել 11 տարեկան Աննա Մելքոնյանը՝ Իջևան քաղաքից։