«Երիտասարդության ուժը` երիտասարդական քաղաքականության մեջ» հնգօրյա ամառային դպրոցի նպատակն է հնարավորություն ընձեռել հայաստանյան երիտասարդ հետազոտողներին և ակտիվ երիտասարդներին՝ զարգացնելու ոլորտային քաղաքականության վերլուծության, լուծումներ առաջարկելու և դրանք հաղորդակցելու հմտությունները, առաջ քաշելու նոր գաղափարներ, համագործակցելու հասակակիցների և մեծահասակների հետ, ինչպես նաև ավելի լավ հասկանալու, թե ինչպիսին կարող է լինել հանրային քաղաքականության ոլորտի կարիերան:

Ամառային դպրոցին մասնակցելու համար անհրաժեշտ է լրացնել հայտը:
«Երիտասարդության ուժը` երիտասարդական քաղաքականության մեջ» հնգօրյա ամառային դպրոցի մասնակիցները հնարավորություն կստանան՝
• զարգացնել ոլորտային քաղաքականության վերլուծության, լուծումներ առաջարկելու և դրանք հաղորդակցելու հմտություններ,
• առաջ քաշել նոր գաղափարներ,
• համագործակցել հասակակիցների և մեծահասակների հետ,
• ինչպես նաև ավելի լավ հասկանալ, թե ինչպիսին կարող է լինել կարիերան հանրային քաղաքականության ոլորտում:

Ամառային դպրոցն անց է կացվելու հուլիսի 14-18-ը Ծաղկաձորում։
Կարող են դիմել՝
1. հետազոտողները, ինչպես սկսնակ, այնպես էլ քաղաքականության համատեքստում որոշակի մասնագիտական փորձ ունեցող.
2. ուսանողները, ովքեր հետաքրքրված են ոլորտային քաղաքականությունների ձևավորման խնդիրներով.

Պարտադիր պահանջներ․
Դիմորդը պետք է լինի՝
• 21-29 տարեկան,
• սովորի բուհում կամ ունենա բարձրագույն կրթություն։
• Ցանկալի պահանջներ, որոնք այլ հավասար պայմաններում առավելություն կտան դիմորդին՝
• Անգլերենի առնվազն միջին մակարդակի (B1) իմացություն.

Ամառային դպրոցն անվճար է։ Մասնակիցների տրանսպորտային, սնվելու և գիշերակացի ծախսերը կհոգան կազմակերպիչները։
Ամառային դպրոցի մասնակիցների թիվը սահմանափակ է՝ 16 մասնակից։ Մասնակիցների ընտրությունը կկատարվի երկու փուլով՝ (ա) մասնակցության հայտի ներկայացում և (բ) հայտերի գնահատման հիման վրա՝ նախնական թեկնածուների հետ հարցազրույց:

Առավել մանրամասն՝ կից ֆայլում։

«ԴՈՒԿՈ» երիտասարդական կենտրոնում տեղի է ունեցել հանդիպում-քննարկում, որտեղ հավաքվել էին Դիլիջան համայնքի 25 երիտասարդներ տարբեր հաստատություններից՝ քննարկելու Հայաստանում «Երիտասարդական քաղաքականության մասին» օրենքի նախագիծը:

Դպրոցների, քոլեջների, համալսարանների և համայնքի գործընկեր ՀԿ-ների մասնակիցները համախմբվեցին՝ ուսումնասիրելու երիտասարդական քաղաքականության մասին օրենքը և դրա հնարավոր ազդեցությունները:

Հանդիպումը մեկնարկեց առաջարկվող օրենքի ներածությամբ՝ հիմք հանդիսանալով ընդգրկուն քննարկումների համար: Կիրառելով «World Café»(Համաշխարհային սրճարան)-ի դինամիկ մեթոդը՝ մասնակիցները խմբային քննարկումների միջոցով փոխանակվեցին իրենց գաղափարներով և առաջարկներով։

Մասնակիցները ներկայացրեցին իրենց առաջարկները՝ ամփոփելով խմբային աշխատանքի արդյունքները, որոնք արտացոլում էին Հայաստանի երիտասարդական համայնքի հավաքական ձգտումները:

Ապրիլի 30–ին, ժամը 13։30-ին Բերդ համայնքի Բերդի բազմագործառութային պետական քոլեջի 1-ին մասնաշենքում (Թեհլերյան 43) կկայանա «Երիտասարդական քաղաքականության մասին» օրենքի նախագծի վերաբերյալ խորհրդատվական հանդիպում-քննարկում։

Հանդիպումը իրականացվելու է ինտերակտիվ, ոչ ֆորմալ կրթության մեթոդաբանությամբ՝ խրախուսելով երիտասարդներին բարձրաձայնել օրենքի վերաբերյալ իրենց մտքերը, մտահոգությունները և
առաջարկությունները, որոնք կներկայացվեն համապատասխան գերատեսչությանը։

Հանդիպմանը մասնակցելու համար անհրաժեշտ է անցնել հղումով և գրանցվել մինչև ս․թ ապրիլի 25–ը ներառյալ։