Diamond Challenge»երիտասարդների ձեռնարկատիրական մրցույթի հայաստանյան եզրափակիչ փուլը տեղի ունեցավ փետրվարի 26-ին, Դիլիջանի կենտրոնական դպրոցում: Հայաստանի տարբեր քաղաքներից ժամանած լավագույն 10 թիմերն ընտրող հանձնաժողովին ներկայացրին իրենց բիզնես գաղափարները։ Հաղթող թիմը հնարավորություն ստացավ մասնակցել մրցույթի եզրափակիչ փուլին՝ ԱՄՆ-ի Դելավերի համալսարանում։

Diamond Challenge-ը եզակի հնարավորություն է ընձեռում դեռահասներին զարգացնել ձեռնարկատիրական հմտությունները՝  տալով նրանց սեփական բիզնեսը սկսելու հնարավորություն։ Մրցույթը ստեղծվել է ձեռնարկատիրական գործունեության հիմնաքար հանդիսացող Horn ձեռնարկության կողմից, որը հիմնվել է ԱՄՆ-ի Դելավերի համալսարանում:

Դիլիջանի համայնքային կենտրոնը հանդիսանում է Diamond Challenge միջազգային մրցույթի պաշտոնական գործընկերը։

Մրցույթում հաղթող ճանաչվեց TouReality թիմը, որն առաջարկում է տուրիստական ծառայություններ նորարարական VR սարքավորումների միջոցով։ Օգտվելով առաջարկվող ծառայությունից՝ մարդիկ հնարավորություն կունենան խնայել գումար և ժամանակ։ Պրոդուկտը հարմար է նաև այն մարդկանց համար, ովքեր ունեն առողջական խնդիրներ եւ այլևս չեն կարողանում ճանապարհորդել։



Երիտասարդության դրական զարգացման հարցաթերթի» տեղայնացված տարբերակի առաջին հարցաթերթի փորձարկման նպատակով «Քաղաքացիական կրթություն և մասնակցություն» ծրագրի շրջանակում Տավուշի աշխատանքային խմբի սովորողների մասնակցությամբ փետրվարի 9-ին Դիլիջանի ավագ դպրոցում կայացավ հանդիպում՝ Տավուշի մարզի 4 հանրակրթական դպրոցների աշակերտների ու հասարակագիտություն առարկայի ուսուցիչների մասնակցությամբ։ Հանդիպման սկզբում ներկայացվեցին ծրագիրը ու երիտասարդության դրական զարգացման հայեցակարգը, որից հետո քննարկման ֆորմատով ընթացիկ կրթական չափորոշիչային բարեփոխումների համատեքստում ուսուցիչներն ու աշակերտները կիսվեցին իրենց դիտարկումներով, դիտողություններով ու առաջարկներով։

«Քաղաքացիական կրթություն և մասնակցություն» ծրագիրը կբարելավի Հայաստանում դպրոցական և արտադպրոցական քաղաքացիական կրթության որակն ու կընդլայնի դրա ազդեցության շրջանակը, կստեղծի հանրային կյանքում երիտասարդների ներգրավվածության արդյունավետ մեխանիզմներ՝ աջակցելու Հայաստանում ժողովրդավարական հասարակության ուժեղացմանը։

«Քաղաքացիական կրթություն և մասնակցություն» ծրագրին աջակցում է ԱՄՆ Միջազգային զարգացման գործակալությունը, այն իրականացվում է «Փրոջեքթ Հարմոնի» կազմակերպության հայաստանյան մասնաճյուղի կողմից՝ Կրթության, գիտության, մշակույթի և սպորտի նախարարության, Կրթության զարգացման և նորարարությունների ազգային կենտրոնի և Կրթական տեխնոլոգիաների ազգային կենտրոնի հետ գործընկերությամբ։



Թամզարան հայկական պարատեսակ է, ավելի կոնկրետ՝ հարսանեկան պարերգ։ Իջևանում, սակայն, այս անգամ այն դուրս էր եկել պարի սահմաններից ու մի ամբողջ միջոցառում դարձել։

Մի խումբ երիտասարդների նախաձեռնությամբ և Hatik ու Shushiki band – երի հետ համագործակցությամբ Իջևանի Քաղաքական սրճարանում երեկոն նվիրված էր ազգայինը պահպանելուն, գնահատելուն և պարզապես վայելելուն։

Ինչպես միշտ՝ «դեպքի վայրից» իր տեսանյութով մեզ հայկական տրամադրություն է բերել Հրանտ Ղազումյանը։



Էներգիայի արդյունավետ օգտագործման շաբաթին նվիրված Տավուշի նորարարական հաբը նախաձեռնում է երիտասարդ հետազոտողների մրցույթ։

Մրցույթի թեման Էներգիայի արդյունավետ օգտագործման ուղղություններն են Տավուշի մարզում։

Մրցույթին կարող են մասնակցել 16-30 տարեկան բոլոր տավուշաբնակ երիտասարդները, գրանցվելով և իրենց աշխատանքներն ուղարկելով հետևյալ հղմամբ՝ https://forms.gle/5TdjbmYgUuaXNk6S8

Մրցույթի շրջանակներում պետք է ներկայացնել փոքր հետազոտական աշխատանք, որը կներկայացնի էներգիայի արդյունավետ օգտագործման համաշխարհային հաջողված փորձի օրինակներ և Տավուշում դրանց ներդրման ուղղություններ։

Աշխատանքի կառուցվածքի և բովանդակության մասին ավելի մանրամասն այստեղ՝ shorturl.at/bgW59
Բոլոր մասնակիցները հնարավորություն կունենան իրենց աշխատանքները ներկայացնելու ամփոփիչ միջոցառման շրջանակներում։

Մրցույթի շրջանակներում լավագույն 3 աշխատանքի հեղինակները կպարգևատրվեն խրախուսական նվերներով։

Գրանցման վերջնաժամկետը ՝ 25․02․2023թ․, ժամը 23։00
Ամփոփիչ միջացառման օրակարգը ստորև՝ shorturl.at/efqNV

Աշխատանքների ամփոփիչ միջոցառումը տեղի կունենա ս․թ․ մարտի 1-ին, ժամը 13։00-ին, ԵՊՀ ԻՄ մեծ դահլիճում։

———————————————————————-
Հաջողություն ենք մաղթում բոլոր մասնակիցներին։
Ձեր գաղափարները կարևորվում են և ուզում ենք միասին քայլել դեպի ավելի բարեկարգ ապագա։
———————————————————————–
«Երիտասարդ հետազոտող» մարզային մրցույթն իրականացվում է ԵՄ աջակցությամբ իրականացվող «EU4Youth: Սոցիալական ձեռներեցության էկոհամակարգի զարգացում (SEED) սահմանամերձ շրջաններում կանաչ առաջընթացի համար» նախագծի շրջանակներում, որն իրականացնում են Green Lane NGO (Հայաստան) և CENN-ը (Վրաստան):

ԵՄ աջակցությամբ իրականացվող “Սոցիալական ձեռներեցության էկոհամակարգի զարգացում” ծրագրի շրջանակներում Կանաչ Արահետ ՀԿ-ն Հայտարարում է ազգային իդեաթոնի հայտերի ընդունում։

Հաղթողները ներկայացված գաղափարն իրականացնելու համար կպարգևատրվեն դրամական պարգևներով՝
🥇1-ին տեղ – 150 000 դրամ
🥈 2-րդ տեղ – 100 000 դրամ
🥉 3-րդ տեղ – 80 000 դրամ
Իդեաթոնի նպատակն է հզորացնել Լոռի, Տավուշ և Շիրակ մարզերում ապրող NEET երիտասարդներին: NEET երիտասարդներ ասելով հասկանում ենք այն երիտասարդներին, ովքեր ներգրավված չեն կրթության, աշխատանքի կամ այլ դասընթացների մեջ։

Իդեաթոնին կարող են մասնակցել Լոռի, Տավուշ և Շիրակ մարզերում ապրող 14-29 տարեկան երիտասարդները, ովքեր ակտիվորեն ներգրավված են համայնքի զարգացման գործում և ցանկանում են լուծումներ գտնել տեղական սոցիալական կամ բնապահպանական մարտահրավերների համար:
Իդեաթոնը տեղի կունենա փետրվարի 1-15 հիբրիդային տարբերակով։

Մասնակցելու համար պետք է դիմել մինչև ս/թ հունվարի 29-ը հետևյալ հղումով՝ https://docs.google.com/…/1_ES2iPFwEFo6x4CoRxcM…/edit…
Ազգային իդեաթոնը կազմակերպվում է ԵՄ աջակցությամբ իրականացվող «EU4Youth: Սոցիալական ձեռներեցության էկոհամակարգի զարգացում (SEED) սահմանամերձ շրջաններում կանաչ առաջընթացի համար» նախագծի շրջանակներում, որն իրականացնում են Green Lane NGO (Հայաստան) և CENN-ը (Վրաստան):

Դեկտեմբերի 17-ին կայացավ 2019 թվականից իրականացվող «ԱԳԱԹԵ. երիտասարդների ձեռնարկատիրական կրթություն խաղաֆիկացիայի միջոցով» ծրագրի ամփոփումը՝ երիտասարդական համաժողովի միջոցով։

«Այս ծրագիրը երկկողմանի օգտակար էր՝ նախ YCCD-ի և մնացած կազմակերպությունների համար, քանի որ մեր փորձով նրանք գտան այն ձևերը, որոնցով կարող են ավելի կատարելագործել խաղերը, և օգտակար էր մեզ համար, որովհետև մենք գտանք այնպիսի բանալիներ, որոնք մեզ համար, որպես ապագա ձեռնարկատերեր, կարևոր են մեր ապագա բիզնեսը սկսելու համար»,- նշում է ծրագրի մասնակիցներից Նանե Բեժանյանը։

ԱԳԱԹԵ ծրագիրն իր մեջ ներառել է միջազգային շարժունակություն և տեղական կարողությունների զարգացում: Ծրագիրն իրականացվել է «Դիլիջանի երիտասարդների համագործակցության կենտրոն» ՀԿ-ի կողմից՝ Եվրոպական Միության ֆինանսական աջակցությամբ:



Սեպտեմբերի 30-ին Դիլիջանի կենտրոնական դպրոցում տեղի ունեցավ «UPSHIFT Իջևան» դեռահասների զարգացման և համայնքային ներգրավվածության խթանման ծրագրի ամփոփիչ միջոցառումը:

Միջոցառման ընթացքում ամփոփվեցին «UPSHIFT Իջևան» ծրագրի արդյունքները, ներառյալ՝ դեռահասների կողմից ծրագրի շրջանակներում իրականացված նախագծերի ներկայացումները։

Կառավարության և տեղական ինքնակառավարման մարմինների, տեղական և միջազգային կազմակերպությունների ներկայացուցիչներն ու շահագրգիռ այլ կողմեր ներկա էին միջոցառմանը ծանոթանալու ծրագրի մանրամասներին, նախագծերի արդյունքներին, տոնելու UPSHIFT-ցիների նվաճումները։

«UPSHIFT Գավառ և Իջևան» դեռահասների զարգացման համայնքային ներգրավվածության ծրագիրն իրականացնում է Գյումրու «Երիտասարդական նախաձեռնությունների կենտրոն» ՀԿ-ն Յունիսեֆի հայաստանյան գրասենյակի հետ համատեղ Եվրոպական միության աջակցությամբ:



ProtoLab տեխնոինժեներական լաբարատորիան օգոստոսի 20-ին և 21-ին Նոյեմբերյանում կազմակերպել էր «Ապագայի նախատիպը» խորագրով միջոցառումը: Օրը տոնական էր. 1 տարի առաջ` օգոստոսի 20-ին նոյեմբերյանցի 4 երիտասարդներ պաշտոնապես հիմնադրեցին «ՊրոտոԼաբ» տեխնոինժեներական լաբարատորիան:

Միջոցառման կազմակերպման գլխավոր նպատակը ՏՏ ոլորտի հանդեպ երիտասարդության շրջանում հետաքրքրվածության բարձրացումն էր: Ոլորտում հաջողություններ գրանցած մարդիկ իրենց անցած ճանապարհով, խոչնդոտների, ձախողումների և նվաճումների մասին իրենց պատմություններով կիսվեցին և ոգևորեցին միջոցառման ավելի քան 150 մասնակցի: Մասնակիցները Նոյեմբերյան խոշորացված համայնքի և հանրապետության այլ մարզերից ժամանած երիտասարդներն էին:

Միջոցառման երկու օրերին կայացան բանախոսություններ և պանելային քննարկումներ` ՏՏ-ի, բիզնեսի, ստարտափների վերաբերյալ: Բանախոսությունների խոսնակները Հայաստանում ՏՏ ոլորտում փորձառու մասնագետներն էին: Երկօրյա միջոցառումն ուղեկցվեց ազգային երգուպարով:

ՊրոտոԼաբը ՏՏ ուղվածությամբ ստարտափ է․ 2020 թվականին նոյեմբերյանցի 4 գաղափարակից ընկերներ որոշեցին մարզում մնալու և Հայրենիքի զարգացմանը նպաստելու համար տեխնոինժեներական լաբարատորիա հիմնադրել: Այն պաշտոնապես բացվել է 2021 թվականին։ 1 տարի անց ստարտափը հաջողությամբ եռաչափ մոդելավորման եւ տպագրության ծառայություններ է մատուցում:

Protolab-ը հիմնելու նպատակն ի սկզբնե եղել է մարզում մնալու համար եկամուտներ ապահովելը։ Հիմնադիրները նշում են, որ նպատակը ընթացքում վերաձևափոխվեց․ ոչ թե եկամուտն էր մոտիվացիան, այլ Հայրենիքին ծառայություն մատուցելը:
Protolab-ի հիմնադրումից հետո Նոյեմբերյան խոշորացված համայնքի կյանքում նկատելի փոփոխություններ կան: Երիտասարդները պատմում են, որ մեծահասակները սկսել են հավատալ կրտսեր սերնդին, այլևս չեն բողոքում նրանցից, իսկ երիտասարդներն էլ սկսել են ավելի շատ աշխատել իրենց հմտությունների վրա և հաստատակամ են իրենց նպատակներն ու երազանքները իրագործելու ճանապարհին: Տղաները նաև ոգևորված են, քանի որ իրենց օրինակով շատերը սկսել են հաճախել «Արմաթ» ինժեներական լաբարատորիա:
Ստեղծարար երիտասարդները թիմի գործունեությանը համապատասխանող կարգախոս «ՊրոտոԼաբ»-ը, գրանցելով որոշ արդյունքներ, իր առջև սահմանում է նոր նշաձողեր և ապացուցում, որ սահմանամերձ Նոյեմբերյանում հնարավոր է ստեղծել տեխնոլոգիական ընկերություն:



Նորաշենից մեր թղթակից Էսթեր Զաքարյանն այսօր գյուղից 15 պատանի-երիտասարդների հետ գնացել է արշավի դեպի «Կիլի պներ» («Գայլի բներ») բնական հուշարձան։

Ընթացքում երիտասարդներն ունեցել են նաև տեղեկատվական զրույց՝ տավուշեցի մշակութային գործիչներին ճանաչելու թեմայով։