Տավուշի մարզի համայնքներում հարգանքի տուրք է մատուցվել Հայոց ցեղասպանության անմեղ զոհերի հիշատակին
Ապրիլի 24-ը Հայոց ցեղասպանության զոհերի հիշատակի օրն է. օրվա առիթով հարգանքի տուրք է մատուցվել Տավուշի մարզի համայնքներում: Ներկայացնում ենք ֆոտոշարք.
Իջևանում Մեծ Եղեռնի զոհերի հիշատակը հավերժացնող հուշահամալիրում քաղաքացիները հարգանքի տուրք մատուցեցին ցեղասպանության զոհերի հիշատակին։
Բերդ համայնքի բոլոր բնակավայրերում նախօրեին և այսօր հիշատակի մի շարք միջոցառումներ են կայացել: Բերդի համայնքապետարանի աշխատակազմը՝ համայնքի ղեկավար Աստղիկ Հակոբյանի գլխավորությամբ, համայնքային ենթակայության և այլ հաստատությունների աշխատակիցները, ՀՀ հյուսիսարևելյան ուղղությամբ մարտական հերթապահություն իրականացնող զորամասերից մեկի ժամկետային զինծառայողները, այլ քաղաքացիներ հարգանքի տուրք են մատուցել Հայոց ցեղասպանության անմեղ զոհերի հիշատակին։
Նոյեմբերյան համայնքում առավոտյան մեկնարկեց ավանդական քայլերթը` ի հիշատակ և ոգեկոչում Հայոց ցեղասպանության նահատակների:
Դիլիջան քաղաքի հուշահամալիրի` Եղեռնի զոհերի հուշաքարի մոտ, տեղի է ունեցել հարգանքի տուրք և ծաղիկների խոնարհում` ի հիշատակ ցեղասպանված մեր հայրենակիցների: Դիլիջանի համայնքապետարանի կողմից կազմակերպվել է «Կոմիտասը մենք ենք» խորագրով միջոցառումը»:
