Տավուշոտ պոեզիա․ «Քո շրթունքները Հայաստանոտ են»․ Համո Սահյան
Համո Սահյան․ «Քո շրթունքները Հայաստանոտ են»․ կարդում է Հրանտ Ղազումյանը։ Տեսանյութում անձրևում է մարզկենտրոն Իջևանը։
Քո շրթունքները Հայաստանոտ են,
Հայաստանոտ են քո շշուկները,
Քո ժպիտներն ու արտասուքները
Հայաստանոտ են:
Հայաստան հյուսող քո այդ ձեռքերը,
Քո արդեն գրված ու դեռ չգրված
Բոլոր երգերը Հայաստանոտ են:
Հայաստանոտ են քո ապրած կյանքի
Բոլոր էջերն ու ելևէջները:
Քո տանջանքներն ու երազանքները
Հայաստանոտ են…
Եվ դու այնքան ես հայ ու Հայաստան,
Որ մինչև անգամ Հայաստանից դուրս
Քո անցած բոլոր ճանապարհները
Հայաստանոտ են: