Հեղինակ՝ Հայկ Դոմբրյան։

Տավուշի մարզում խաղողաքաղն ընթացքի մեջ է. մարդիկ հավաքում են ամբողջ տարվա աշխատանքը:
Գյուղացիների հյուրը Տավուշ Մեդիայի թղթակից Հայկ Դոմբրյանն էր:

Սոս Սարգսյանի անվան Համազգային թատրոնի թատերախումբը Բերդ համայնք էր բերել Պարույր Սևակի «Մարդը ափի մեջ» բեմադրությունը՝ հնարավորություն տալով համայնքի բնակիչներին ավելի մոտ լինել բարձրարվեստ թատրոնին։

Ներկայացման ընթացքում բեմում կենդանացավ Սևակի ստեղծագործական աշխարհը․ մարդկային ճակատագրերը, ապրումները և ներքին պայքարները ձևավորեցին երեկոյի համընդհանուր մթնոլորտը։

Դերասանական խաղը և բեմական մթնոլորտը հանդիսատեսին պարգևեցին անկեղծ հույզեր և վեհ մտորումներ կյանքի ու արժեքների մասին։

Մշակութային այս երեկոն հնարավոր դարձավ «1000 Վահան» բարեգործական հիմնադրամի նախաձեռնությամբ և Բերդի համայնքապետարանի աջակցությամբ։ Վերջում հնչում են շնորհակալական ծափահարությունները, որոնք նաև հուշում են՝ արվեստի հետ հանդիպման պահանջը միշտ կենդանի է։

Հեղինակ` Հայկ Դոմբրյան

Արծվաբերդի մշակույթի տանը տոնական միջոցառմամբ նշեցին Հայաստանի անկախության օրը։ Այն ընթացավ ազգային, հայրենասիրական խոսքերով, բանաստեղծություններով, երգ ու պարով: Ներկաները երախտագիտությամբ հիշեցին նաև մեր սահման պահող զինծառայողներին։

Հեղինակ՝ Հայկ Դոմբրյան:

Արծվաբերդ գյուղում անցկացվեց ազգային պարերին նվիրված միջոցառում, որտեղ մասնակիցները ներկայացրին մեր հնագույն ու հարազատ պարերը։ Բացի պարային ելույթներից, բեմադրվեց նաև «Կիկոսի մահը» հեքիաթը, որը միջոցառմանը հաղորդեց նոր երանգ ու բովանդակություն։

Հեղինակ՝ Հայկ Դոմբրյան։