Հունիսի 3-ին` ժամը 10։00-ից մինչև 15:00-ն ընկած ժամանակահատվածում, Տավուշի մարզի Նոյեմբերյան համայնքի Այրում բնակավայրում անցկացվելու է ««Օդային տագնապ» ազդանշանի դեպքում բնակչության ազդարարման, պատսպարման և տարհանման աշխատանքների կազմակերպումը» թեմայով վարժանք, որի ընթացքում գործարկվելու է էլեկտրական շչակ։

Խնդրում ենք չանհանգստանալ։

Մայիսի 6-ը Նոյեմբերյան համայնքում հիշողության, ցավի և հերոսացման օր է։ Արդեն 35 տարի շարունակ այս օրը համայնքի բնակիչները խոնարհվում են 1991 թվականին զոհված ոստիկանների հիշատակի առաջ՝ արժևորելով նրանց անձնազոհությունն ու ծառայությունը հայրենիքին։

Հարգանքի տուրքի միջոցառումները նվիրված են այն ոստիկաններին, ովքեր զոհվեցին Խորհրդային Միության բանակի և ադրբեջանական օմոնականների կողմից իրականացված «Կոլցո» գործողության ընթացքում։

1991 թվականի մայիսի 6-ի լուսաբացին Նոյեմբերյանի ոստիկանության 24 աշխատակիցներ Ոսկեպար գյուղի մերձակա անտառում հայտնվեցին խորհրդային բանակի և ադրբեջանական օմոնի կազմակերպած ծուղակում։ Այս դեպքը համարվում է Արցախյան ազատամարտի ամենաողբերգական դրվագներից մեկը։

Դեպքերն սկսվեցին նախորդ օրվա ուշ երեկոյան ստացված ահազանգից, ըստ որի՝ ադրբեջանական ուժերը հատել էին Նոյեմբերյանի սահմանը և շարժվում էին դեպի Ոսկեպար։ Ոստիկանների խումբը, ավտոբուսով և «Նիվա» մեքենայով, ուղևորվեց գյուղ՝ պաշտպանելու խաղաղ բնակչությանը։ Անվտանգության նկատառումներով նրանք շարժվում էին լեռնային ճանապարհներով, քանի որ հիմնական ճանապարհը գնդակոծության տակ էր։

Սակայն գյուղ չհասած՝ նրանք բախվեցին խորհրդային բանակի զինվորականների հետ, որոնք անսպասելիորեն բացեցին կրակ։ Այդ պահին արդեն ընթացքի մեջ էր «Կոլցո» գործողությունը։

Հարձակման հետևանքով 11 ոստիկան զոհվեց տեղում, իսկ մնացածները գերեվարվեցին։ Գերիներից երեքը հետագայում մահացան ադրբեջանական բանտերում։ Մի քանի ժամ անց խորհրդային զինվորները խաբեությամբ զինաթափեցին նաև Ոսկեպարը պաշտպանող ևս 45 ոստիկանների և նրանց ևս հանձնեցին ադրբեջանական ուժերին։

Կարդացեք նաև՝

Հայոց ցեղասպանության 111-րդ տարելիցի կապակցությամբ ապրիլի 24-ին Տավուշի մարզկենտրոն Իջևանում մարդկանց բազմությունն առավոտյան լուռ քայլերթով շարժվեց Հայոց Ցեղասպանության հուշակոթող՝ ի հիշատակ և ոգեկոչում մեր զոհերի։

Քայլերթին համընթաց ընթանում էր Սուրբ Պատարագը՝ Ցեղասպանության նահատակներին նվիրված բաց խորանում։

Տավուշ Մեդիայի ֆոտոշարքը Իջևանից։

Բերդ համայնքի բոլոր բնակավայրերում այսօր ծաղիկներ են խոնարհել Հայոց ցեղասպանության զոհերի հիշատակը հավերժացնող հուշակոթողների մոտ: Ժամը 10։30-ին «Սորաններ» դենդրոպարկի մուտքի հարակից տարածքից մեկնարկել է երթը դեպի հուշակոթող։

Լուսանկարները՝ Բերդի համայնքապետարանի։

Նոյեմբերյան համայնքում բնակիչները, համայնքային կառույցների ներկայացուցչները համայնքապետարանի մերձակայքից քայլերթով շարժվել են դեպի Սուրբ Սարգիս եկեղեցի, որտեղ մատուցվել է Սուրբ պատարագ։

Լուսանկարները՝ Նոյեմբերյանի համայնքապետարանի։

Դիլիջանում քաղաքի հուշարձանի հարակից տարածքում տեղի է ունեցել հիշատակի արարողություն։

Լուսանկարները՝ Դիլիջանի համայնքապետարանի։

Ապրիլի 9-ին, ժամը 21։44-ին Տավուշի մարզային օպերատիվ կառավարման կենտրոն ահազանգ է ստացվել, որ Արճիս գյուղի կենտրոնական մասում այրվում է խանութ։ 

Դեպքի վայր են մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ և Պտղավանի հատուկ կամավորական խմբից մեկ մարտական հաշվարկ։ 

Պարզվել է, որ հրդեհը բռնկվել է գյուղի 3-րդ փողոցում գտնվող մթերային խանութում (մոտ 16 քմ)։ 

Հրդեհը մեկուսացվել է ժամը 22:25-ին, մարվել՝ 23:00-ին: Այրվել են խանութը՝ սննդամթերքներով և խանութին կից էլեկտրասյան մալուխները:

Նոյեմբերյան համայնքի Կոթի բնակավայրի 41-ամյա բնակիչը վիրավորվել է ականի պայթյունից։ Տեղեկությունը Տավուշ Մեդիայի հետ զրույցում հաստատեց Կոթիի վարչական ղեկավար Անդրանիկ Հախվերդյանը։ Դեպքը տեղի է ունեցել ապրիլի 2-ին՝ ժամը 15։00-ի սահմաններում, երբ գյուղացին փորձել է գտնել կորած անասունին։

Տուժածը տեղափոխվել է «Նոյեմբերյան» բժշկական կենտրոն, որտեղ բժիշկներն իրականացրել են ոտնաթաթի անդամահատում։ «Նոյեմբերյան» ԲԿ տնօրեն Էդուարդ Գրիգորյանը մեզ հետ զրույցում հայտնեց, որ քաղաքացու կյանքին վտանգ չի սպառնում։

Նոյեմբերյան համայնքի ավագանու մարտի 26-ի հերթական նիստում համայնքի ղեկավարի առաջին տեղակալ Մհեր Աղամյանը հայտարարել է պաշտոնից հրաժարականի մասին։

Աղամյանն ընդգծել է, որ չի հրաժարվում ավագանու մանդատից և հայտնել, որ շուտով հանդես կգա լրացուցիչ հայտարարությամբ՝ հետագա գործունեության վերաբերյալ։ Նա շնորհակալություն է հայտնել համայնքապետարանի աշխատակազմին կատարված համատեղ աշխատանքների համար։

Հիշեցնենք, որ Մհեր Աղամյանը համայնքի ղեկավարի առաջին տեղակալի պաշտոնը զբաղեցնում էր 2022 թվականից։

Արդեն մեկ ամիս է, ինչ Նոյեմբերյանում՝ «Պապոնց տան» հյուրընկալ միջավայրում, ձևավորվել է յուրահատուկ ստեղծագործական անկյուն՝ «Մեծերի համար արվեստանոցը»։ Այստեղ մեծահասակները զբաղվում են նկարչությամբ և բացահայտում իրենց ստեղծագործական ներուժը։

Արվեստանոցը գործում է նկարիչներ Նիկոլ Աղաբաբյանի և Կարո Ղուլջանյանի ղեկավարությամբ, որոնց շնորհիվ ձևավորվել է ջերմ ու ոգեշնչող մթնոլորտ։ Այստեղ կազմակերպվում են նաև մշակութային հանդիպումներ՝ տարբեր հյուրերի մասնակցությամբ։ Առաջին համագործակցությունը Նոյեմբերյանի մշակութային կենտրոնի հետ նշանավորվեց արվեստանոցում անցկացված գորգի կտրման արարողությամբ։

«Պապոնց տան» արվեստանոցն արդեն իսկ դառնում է ստեղծագործության և մշակութային շփման կարևոր կենտրոն՝ ակտիվացնելով Նոյեմբերյանի համայնքային կյանքը։

Հեղինակ՝ Նոյեմբերյան համայնքից Տավուշ Մեդիայի թղթակից Հրանուշ Անանյան։