Արդեն մոտ է «Կողբ-Վարդավառ 2023-ը»․ Տավուշում  վառ ու գունեղ վարդավառ տոնելու համար հուլիսի 15-16-ին հրավիրում ենք Կողբ։

Կողբ գյուղում սպասվում է երաժշտական, մշակութային, արվեստի ու արհեստի բազմաբնույթ դրսևորումներով գունեղ վարդավառ՝  հագեցած խաղերով,  ներկայացումներով, համերգներով և ցուցադրություններով։

ՏավուշTV-ի տաղավարում «Կողբ» հիմնադրամի տնօրեն Մարիա Պետրոսյանի, «Կողբ» հիմնադրամի հանրային կապերի պատասխանատու Սոնա Վերդյանի և Կողբ բնակավայրի վարչական ղեկավար Արարատ Թամազյանի հետ Էռնեստ Խանումյանը զրուցել է արդեն ամենամյա դարձած «Կողբ Վարդավառի» մասին։

«Կողբ-Վարդավառ 2023-ի» մասին՝ ստորև․

Հուլիսի 15-ին և 16-ին Տավուշի մարզի Կողբ գյուղում սպասվում է տարվա ամենավառ ու ամենաթաց, ամենաերաժշտական ու ամենաէքստրիմալ, ամենաարվեստային ու ամենահամեղ, ամենաակտիվ ու ամենսպասված Կողբ-ՎարդաՎԱՌ փառատոնը։ Կողբի ֆուտբոլի դաշտն ու հարակից տարածքներն ամբողջությամբ կվերափոխվեն փառատոնային տարբեր գոտիների` արվեստ, հանգստ, գաստրո, երաժշտական, տաղավարային, էքստրիմ և այլն: 

Վարդավառյան միջոցառումները կմեկնարկեն հուլիսի 15-ին` ժամը 14։00-ից: Ակտիվ կլինեն գաստրո և էքսպո գոտիները, որտեղ կգտնեք տարածաշրջանային, տոնական, ծիսական ամենահամեղ, ամենահետաքրքիր ու օգտակար առաջարկներ, ավարդական խոհանոցի վարպետաց դասեր: Արվեստի գոտին կառաջարկի ավելի քան 15 աշխատարաններ՝ կերամիկա, բատիկա, կարպետագործություն, մանրանկարչություն, թաղիքագործություն, տիկնիկագործություն, վիտրաժ, փայտի փորագրություն, վիտրում, մետաղագործություն, լուսամփոփների պատրաստում և այլն։ Հանգստի գոտում կներկայացվեն տեղի նկարիչների աշխատանքները, փառատոնի հյուրերը կկարողանան մասնակցել արոմա և պարային թերապիաների, յոգայի դասերի, ինչպես նաև հայկական կինոդարանի ուրախ ու սիրված ֆիլմերի դիտումների։

Էքստրեմալ տուրիզմի սիրահարներին սպասվում է Off-Road շոու, դե իսկ կենդանասերներին` ամենաիմաստուն և ճիշտ կողմնորոշվող իշուկներով շրջայց Կողբում։ Եվ սա դեռ ամենը չէ. Նոյեմբերյան համայնքի 19 գյուղերի 22 դպրոցների աշակերտները մայիսի 15-ից հավքում են պլաստիկե տարաներ, որոնք հուլիսի 15-ին կդառնան ժամանակակից արվեստի լավագույն նմուշներից․ արդյունքում՝ միջավայրի մաքրում, բնության պահպանում, ստեղծագործական մտքի զարգացում, թիմային աշխատանք ու արվեստի գործ։

Երաժշտական գոտին նույնպես խոստանում է հետաքրքիր լինել: Այստեղ սպասվում են Տավուշի մարզի երաժշտական, թատերական խմբերի համերգներ, թատերական ներկայացումներ:

Հուլիսի 15-ին երեկոյան ժամը 20։00-ից ավելի քան թեժ է լինելու՝ ամառվա ամենավառ ու խենթ երաժշտական հանդիպումը՝ Նեմրա, Սիրուշո և  Հունաստանից ժամանած DJ Պանտելիս, ինչպես նաև Dairo և Guevo: Թեթև և հումորաշատ երեկոն էլ ապահովելու են հաղորդավարներ Անի Խաչիկյանն և Հայկ Պետրոսյանը։

 Հուլիսի 16-ին փառատոնային ծրագիրը կմեկնարկի վաղ առավոտյան` յոգա, վարդավառյան ավանդական պատմությունը, ծեսերն ու խաղերը փոխանցող թատերականացված միջոցառում «Վարք Հայոց»-ի ներկայացմամբ,  և, իհարկե, ջրոցի` Dairo-ի և Guevo-ի թեժ բիթերի ներքո:  Կողբ Վարդավառ փառատոնը կավարտվի հուլիսի 16-ին, ժամը 17:00-ին։

Ընտրի՛ր ջրի ճամփան, այցելի՛ր Կողբ հուլիսի 15-ին և 16-ին ու դարձի՛ր տարվա ամենաէմոցիոնալ միջոցառման մի մասը։ Մուտքն ազատ է, հնարավորություններն՝ անսահմանափակ, տրամադրությունը՝ գերազանց, տպավորություններն՝ անմոռանալի։



ՀՕՖ-ի «Մարդիգյան կրթավճար» ծրագրին Իջևան և Նոյեմբերյան համայնքներից ՀՀ բուհեր ընդունված ուսանողների համար դիմումներն արդեն բաց են:

Մրցույթին կարող են մասնակցել բուհերի բակալավրի 1-ին կուրսի այն ուսանողները, որոնք,

ա) ընդունվել են՝

ԵՊՀ և մասնաճյուղեր – ֆիզիկայի, քիմիայի, ֆարմացիայի, կենսաբանության, սոցիոլոգիայի, ինֆորմատիկայի և կիրառական մաթեմատիկայի, մաթեմատիկայի և մեխանիկայի, հայ բանասիրության ֆակուլտետներ:

ՀԱՊՀ-Քոմփյութերային համակարգերի և ինֆորմատիկայի, մաթեմատիկայի ֆակուլտետներ:

ՀԱԱՀ-Ագրոբիզնեսի և շուկայաբանության, տնտեսագիտական, անասնաբուժական բժշկագիտության և անասնաբուծության, ագրոնոմիկայի, պարենամթերքի տեխնոլոգիաների ֆակուլտետներ:

ՀՊՄՀ- Սկզբնական կրթության, բանասիրական, պատմության և հասարակագիտության, կենսաբանության, քիմիայի և աշխարհագրության, կրթության հոգեբանության և սոցիոլոգիայի, մաթեմատիկայի, ֆիզիկայի և ինֆորմատիկայի, հատուկ և ներառական կրթության, օտար լեզուների ֆակուլտետներ:

բ) ունեցել են բարձր առաջադիմություն դպրոցում, միասնական և ԲՈՒՀ-ի քննությունները հանձնել են բարձր գնահատականներով և ընդունվել վճարովի ուսուցման համակարգ

գ) սոցիալապես անապահով ընտանիքներից են

դ) պարտավորվում են ուսման ավարտից հետո նվազագույնը 3 տարի ապրել և աշխատել Տավուշի մարզում:

Վերոհիշյալ պայմաններին համապատասխանող ուսանողները պետք է քննությունների ավարտից հետո`

2023թ. հուլիսի 18-ից օգոստոսի 10-ը ներառյալ ք. Երևան, Մովսես Խորենացի 2 հասցեում գտնվող ՀՕՖ-ի Հայաստանի մասնաճյուղ ներկայացնեն կամ էլ. փոստով edik.karapetyan@far.am և mane.khachatryan@far.am ուղարկեն հետևյալ փաստաթղթերը.

Դիմում (ձևը ստանալու համար կարող եք դիմել վերոհիշհայ հասցեներով կամ գրել ՀՕՖ-ի ֆեյսբուքյան էջին

• անձնագրի պատճեն, 1 լուսանկար (3×4 սմ չափսի)
• միջնակարգ կրթության վկայականի պատճեն
• միասնական քննությանների գնահատականի մասին տեղեկանք
• ԲՈՒՀ ընդունվելու մասին ՀՀ ԿԳՄՍ նախարարության ԳԹԿ-ի կողմից հաստատված ցուցակի պատճեն կամ ԲՈՒՀ-ի տեղեկանքը
• ընտանիքի անապահովության միավորի մասին տեղեկանք (առկայության դեպքում)
• տեղեկանք ծնողների աշխատավայրից` նրանց աշխատանքի և աշխատավարձի վերաբերյալ, եթե չեն աշխատում՝ տեղեկանք զբաղվածության տարածքային կենտրոնից կամ աշխատանքային գրքույկի պատճենը ծնողի կողմից գրված պարզաբանումով ներկա զբաղվածության կամ չաշխատելու պատճառի մասին
• հակիրճ ինքնակենսագրություն` նշելով, թե ինչու եք դիմել տվյալ ծրագրին

Թերի փաստաթղթերը չեն դիտարկվի:

Շահառուների ընտրությունը տեղի է ունենալու 2 փուլով.

Ներկայացված փաստաթղթերի դիտարկում:

Ուսանողների տուն կատարած այցերի արդյունքների ամփոփում:

Անհրաժեշտության դեպքում կիրականացվի հարցազրույց։ Ծրագրում ուսանողի ընդգրկման որոշումը կայացնելու է 0%-ի կրթական ծրագրերի հանձնաժողովը — օգոստոսի 29-ից 31-ը:

Լրացուցիչ տեղեկությունների համար կարող եք զանգահարել 060526660 հեռախոսահամարով:

Օրերս Նոյեմբերյանի Մշակույթի կենտրոնում տեղի ունեցավ  գորգագործության և թաղիքագործության ցուցահանդեսը:

Ցուցահանդեսի պատվավոր հյուրերն էին «Ժողովրդական Արվեստի Հանգույց» հիմնադրամի տնօրեն Լևոն Դեր Բեդրոսսյանը, հիմնադրամի մյուս անդամները և Նոյեմբերյան համայնքի ղեկավար Արսեն Աղաբաբյանը: 

Հանդիպման ընթացքում կատարվեց հիմնադրամի կողմից հատկացված տորքի ավանդական հինումը, ինչպես նաև  «Տորքի որդեգրում» ծրագրի մասնակից գորգագործ Ռիմա Անանյանի աշակերտի ավարտած գորգի կտրման արարողությունը, որն ուղեկցվեց մասնակիցների բարեմաղթանքներով, ազգային երգերով ու պարերով:

Հանդիպումը կարևորվեց ծրագրի հետագա զարգացման միտումով:

Միջոցառման մասին պատմում է Տավուշ Մեդիայի թղթակից Հրանուշ Անանյանը․



Հետաքրքիր վերլուծություններ են մարդիկ կատարում Բագրատ Սրբազան-ի նոր՝ «ԱՎԵՏՅԱՑ ԵՐԿՐԻ ՏԵՍԻԼՔՈՎ» գրքի բովանդակության վերաբերյալ։
Գինեգործ Գագիկ Աղաբաբյանը Նոյեմբերյան համայնքում տեղի ունեցած պանելային քննարկում-շնորհանդեսի ժամանակ ասաց․ «Եթե գիրքը կարդա Բագրատ Սրբազանին չճանաչող մեկը, կարող է մտածել, որ այն գրել է տնտեսագետ, քանի որ գրքում խորը տնտեսական վերլուծություն է արվել մեր աշխարհի տնտեսական զարգացման մասին»։

Լեզվաբան Փարսադան Ալեքսանյանը տասը բառ է գտել գրքում, որոնք նորույթ են և մինչ այս որևէ բառարանում չեն արձանագրվել։
Բանասեր Ռուսլան Մալինյանն անդրադարձավ գրքում տեղ գտած բազմաթիվ բանաձևային ձևակերպումներին։
Մեկ բան բոլորն են արձանագրում՝ այս գիրքը մեզ ճանապարհ է ցույց տալիս՝ վերադառնալու սեփական ինքնությանը, հայության իսկատիպ նկարագրի, որի միջոցով է միայն հնարավոր կառուցել մեր Ավետյաց Երկիրը, որը բոլորիս երազանքն ու ձգտումն է:

Ավետյաց Երկիրը մեր բոլոր իղձերի, մեր ձգտումների, երջանկության և անսպառ ուրախության երկիրն է, որը կառուցելու ճանապարհի մեջ կոչված է լինել յուրաքանչյուր հայ՝ որպես առանձին անձ, և որպես հավաքականություն՝ ազգ, ժողովուրդ:
———
Գրքի շնորհանդեսներ արդեն տեղի են ունեցել Երևանում, Իջևանում և Նոյեմբերյանում։ Սպասեք հաջորդներին
———
Նոյեմբերյանում շնորհանդեսը տեղի կայացավ Կողբի գեղարվեստի դպրոցում։
Շնորհակալ ենք բոլորին և՛ կազմակերպման, և՛ մասնակցության համար։

#bwg_container1_0 #bwg_container2_0 .bwg_masonry_thumb_0 { text-align: center; display: inline-block; vertical-align: middle; width: 100% !important;; margin: 0; opacity: 1.00; } #bwg_container1_0 #bwg_container2_0 .bwg-container-0.bwg-masonry-thumbnails .bwg-item, #bwg_container1_0 #bwg_container2_0 .bwg-container-temp0.bwg-masonry-thumbnails .bwg-item { padding: calc(4px / 2); } #bwg_container1_0 #bwg_container2_0 .bwg-container-0.bwg-masonry-thumbnails .bwg-item0 { background-color:rgba(0,0,0, 0.30); border: 0px none #CCCCCC; opacity: 1.00; border-radius: 0; } #bwg_container1_0 #bwg_container2_0 .bwg-container-0.bwg-masonry-thumbnails .bwg-item1 img { max-height: none; max-width: calc(250px + (4px + 0px)); } @media only screen and (min-width: 480px) { #bwg_container1_0 #bwg_container2_0 .bwg-container-0.bwg-masonry-thumbnails .bwg-item1 img { -webkit-transition: -webkit-transform .3s; transition: transform .3s; } #bwg_container1_0 #bwg_container2_0 .bwg-container-0.bwg-masonry-thumbnails .bwg-item1 img:hover { -ms-transform: scale(1.08); -webkit-transform: scale(1.08); transform: scale(1.08); } } #bwg_container1_0 #bwg_container2_0 .bwg-container-0.bwg-masonry-thumbnails .bwg-title2, #bwg_container1_0 #bwg_container2_0 .bwg-container-temp0.bwg-masonry-thumbnails .bwg-title2, #bwg_container1_0 #bwg_container2_0 .bwg-container-0.bwg-masonry-thumbnails .bwg-play-icon2, #bwg_container1_0 #bwg_container2_0 .bwg-container-0.bwg-masonry-thumbnails .bwg-ecommerce2 { max-height: 100%; padding: 2px; font-weight: bold; font-size: 16px; color: #323A45; } #bwg_container1_0 #bwg_container2_0 .bwg-container-0.bwg-masonry-thumbnails .bwg-ecommerce2 { color: #323A45; } #bwg_container1_0 #bwg_container2_0 .bwg_masonry_thumbnails_0 { position: relative; background-color: rgba(255, 255, 255, 0.00); font-size: 0; width: 1254px; max-width: 100%; max-width: 100%; margin: 0 auto; } @media only screen and (max-width: 1290px) { #bwg_container1_0 #bwg_container2_0 .bwg_masonry_thumbnails_0 { width: inherit; } } #bwg_container1_0 #bwg_container2_0 .bwg_masonry_thumb_description_0 { color: #323A45; line-height: 1.4; font-size: 16px; text-align: justify; } #bwg_container1_0.bwg_thumbnails_masonry .wd_error p { color: #323A45; } #bwg_container1_0 #bwg_container2_0 .bwg_gal_title_0 { background-color: rgba(0, 0, 0, 0); color: #323A45; display: block; font-size: 16px; font-weight: bold; padding: 2px; text-shadow: ; text-align: center; }

/*pagination styles*/ #bwg_container1_0 #bwg_container2_0 .tablenav-pages_0 { text-align: center; font-size: 12px; font-weight: bold; color: #666666; margin: 6px 0 4px; display: block; } @media only screen and (max-width : 320px) { #bwg_container1_0 #bwg_container2_0 .displaying-num_0 { display: none; } } #bwg_container1_0 #bwg_container2_0 .displaying-num_0 { font-size: 12px; font-weight: bold; color: #666666; margin-right: 10px; vertical-align: middle; } #bwg_container1_0 #bwg_container2_0 .paging-input_0 { font-size: 12px; font-weight: bold; color: #666666; vertical-align: middle; } #bwg_container1_0 #bwg_container2_0 .tablenav-pages_0 a.disabled, #bwg_container1_0 #bwg_container2_0 .tablenav-pages_0 a.disabled:hover, #bwg_container1_0 #bwg_container2_0 .tablenav-pages_0 a.disabled:focus, #bwg_container1_0 #bwg_container2_0 .tablenav-pages_0 input.bwg_current_page { cursor: default; color: rgba(102, 102, 102, 0.5); } #bwg_container1_0 #bwg_container2_0 .tablenav-pages_0 a, #bwg_container1_0 #bwg_container2_0 .tablenav-pages_0 input.bwg_current_page { cursor: pointer; text-align: center; font-size: 12px; font-weight: bold; color: #666666; text-decoration: none; padding: 3px 6px; margin: 0; border-radius: 0; border-style: solid; border-width: 1px; border-color: #E3E3E3; background-color: rgba(255, 255, 255, 1.00); box-shadow: 0; transition: all 0.3s ease 0s;-webkit-transition: all 0.3s ease 0s; }

if( jQuery('.bwg_nav_cont_0').length > 1 ) { jQuery('.bwg_nav_cont_0').first().remove() } function spider_page_0(cur, x, y, load_more) { if (typeof load_more == "undefined") { var load_more = false; } if (jQuery(cur).hasClass('disabled')) { return false; } var items_county_0 = 1; switch (y) { case 1: if (x >= items_county_0) { document.getElementById('page_number_0').value = items_county_0; } else { document.getElementById('page_number_0').value = x + 1; } break; case 2: document.getElementById('page_number_0').value = items_county_0; break; case -1: if (x == 1) { document.getElementById('page_number_0').value = 1; } else { document.getElementById('page_number_0').value = x - 1; } break; case -2: document.getElementById('page_number_0').value = 1; break; case 0: document.getElementById('page_number_0').value = x; break; default: document.getElementById('page_number_0').value = 1; } bwg_ajax('gal_front_form_0', '0', 'bwg_thumbnails_masonry_0', '0', '', 'gallery', 0, '', '', load_more, '', 1); } jQuery('.first-page-0').on('click', function () { spider_page_0(this, 1, -2, 'numeric'); return false; }); jQuery('.prev-page-0').on('click', function () { spider_page_0(this, 1, -1, 'numeric'); return false; }); jQuery('.next-page-0').on('click', function () { spider_page_0(this, 1, 1, 'numeric'); return false; }); jQuery('.last-page-0').on('click', function () { spider_page_0(this, 1, 2, 'numeric'); return false; }); /* Change page on input enter. */ function bwg_change_page_0( e, that ) { if ( e.key == 'Enter' ) { var to_page = parseInt(jQuery(that).val()); var pages_count = jQuery(that).parents(".pagination-links").data("pages-count"); var current_url_param = jQuery(that).attr('data-url-info'); if (to_page > pages_count) { to_page = 1; } spider_page_0(this, to_page, 0, 'numeric'); return false; } return true; } jQuery('.bwg_load_btn_0').on('click', function () { spider_page_0(this, 1, 1, true); return false; });

#bwg_container1_0 #bwg_container2_0 #spider_popup_overlay_0 { background-color: #EEEEEE; opacity: 0.60; }

Մոռացված ժողովրդական խաղերին ու ավանդույթներին նոր շունչ հաղորդելու նպատակով Բերդավանի Գեղագիտական կենտրոնը հունիսի 30-ին նախաձեռնել էր «Վերադարձ արմատներին» խորագրով միջոցառումը, որը հագեցած էր հայկական ժողովրդական խաղերի ներկայացմամբ, ազգային ժողովրդական երգերով ու պարերով։

Ներկաների կարծիքով ժողովրդական ու ազգային խաղերը ոչ միայն ժողովրդի մշակույթն ու պատմությունն են, այլ նաև` հայրենասիրության, ընկերասիրության ձևավորման հիմքն ու մշակութային արժեքների պահպանման հենասյունը, որը առավել մեծ նշանակություն ունի սահմանամերձ շրջանի պատանի-երիտասարդների համար։

Բերդավանում մշակութային կյանքը ակտիվ է և որպես սահմանամերձ բնակավայր գյուղում կարևոր նշանակություն ունի մշակույթի պահպանումն ու փոխանցումը սերունդներին։

Միջոցառման մասնակիցները վստահ են, որ «Վերադարձ արմատներին» միջոցառումը ևս մեկ անգամ ընդգծեց, որ արմատները չմոռանալով միշտ կհիշվի հայ ժողովրդի ինքնության պահպանման անկյունաքարերը։



Օրերս Երևանում «Ժողովրդական Արվեստի Հանգույց» հիմնադրամի կենտրոնում կայացավ գորգերի ցուցադրությունը, որին մասնակցում էին «Տորքի որդեգրում» ծրագրի մասնակից 11 մշակութային կենտրոնները, որոնց թվում էին նաև Տավուշի մարզից Նոյեմբերյանի Մշակույթի կենտրոնը և Իջևանից՝ «Թելիկ» կենտրոնը։ 

«Տորքի որդեգրում» ծրագիրը իրականցվում է 2016 թվականից Հայաստանի տարբեր մարզերում և համայնքներում՝ գորգագործությունը զարգացնելու նպատակով։ 

Ցուցադրությունից հետո քննարկվեցին բազմաթիվ մասնագիտական հարցեր, կատարվեցին խորհրդատվություններ, փոխհամարգործակցական կապը ամրապնդվեց` հետագայում մի շարք ծրագրեր իրականացնելու ակնկալիքով:

Ցուցադրության մասին պատմում է Տավուշ Մեդիայի թղթակից Հրանուշ Անանյանը․



Ամառնամուտին Նոյեմբերյանում առաջին անգամ տեղի է ունեցել «Ձոն ծաղկանց» խորագրով փառատոնը՝ նվիրված տարածաշրջանի հրաշագործ բնաշխարհին, ծաղկերանգ դաշտերին ու ծաղկավետ լեռներին։

 «Ձոն ծաղկանց» միջոցառումն հագեցած էր ժողովրդական խաղերով, երգ ու պարով։

Ծաղկատոն-փառատոնի մասին պատմում է Նոյեմբերյան համայնքից մեր թղթակից Հրանուշ Անանյանը․



Հունիսի 22-ին, ժամը 13։57-ին Ճգնաժամային կառավարման ազգային կենտրոն ահազանգ է ստացվել, որ Երևան-Նոյեմբերյան ավտոճանապարհին՝ Ներքին Ծաղկավան գյուղի մոտակայքում, տեղի է ունեցել ՃՏՊ. կան տուժածներ:

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Պարզվել է, որ Իջևան-Նոյեմբերյան ավտոճանապարհի 21-րդ կմ-ին բախվել են «Mercedes-Benz» մակնիշի ավտոմեքենան (վարորդ՝ Ն. Մ., ծնված 1993 թ.) և «Volkswagen» մակնիշի միկրոավտոբուսը (վարորդ՝ Կ. Հ., ծնված 1965 թ․). վերջինիս ուղևորներ Հ. Մ.-ն (ծնված 1972 թ․), Ա. Ն.-ն (ծնված 1982 թ․), Կ. Մ.-ն (ծնված 1979 թ․), Է. Ու.-ն (ծնված 1983 թ․), Լ. Ո.-ն (ծնված 2003 թ․) և «Mercedes-Benz» մակնիշի ավտոմեքենայի ուղևոր Ռ. Շ.-ն (ծնված 1969 թ․) հոսպիտալացվել են Իջևանի ԲԿ, որտեղ բժիշկները տուժածների առողջական վիճակը գնահատել են բավարար:

Փրկարարները հոսանքազրկել են ավտոմեքենաները, փակել «Mercedes-Benz» մակնիշի ավտոմեքենայի գազի բալոնի փականը և սահմանազատել տարածքը:

Նոյեմբերյանի համայնքապետարանը տեղեկացնում է, որ համայնքային միկրոավտոբուսի խափանման հետևանքով Արճիս-Նոյեմբերյան և հետադարձ Նոյեմբերյան-Արճիս երթուղին չի գործի մինչև հունիսի 16-ը։

ՀՀ հակակոռուպցիոն կոմիտեում ՀՀ քրեական օրենսգրքի 435-րդ հոդվածի 1-ին մասով նախաձեռնված քրեական վարույթով կատարված նախաքննությամբ հիմնավորվել է, որ ՀՀ աշխատանքի և սոցիալական հարցերի նախարարության Միասնական սոցիալական ծառայության Նոյեմբերյանի տարածքային կենտրոնի աշխատակից Լ. Ա.-ն Տավուշի մարզի երկու բնակիչների օգտին իր լիազորությունների շրջանակում գործողություններ կատարելու, այդ թվում՝ պետական նպաստի տրամադրումը չդադարեցնելու և նպաստի տրամադրման ժամկետը երկարաձգելու գործընթացը սահուն և անխոչընդոտ կազմակերպելու համար հիշյալ անձանցից կաշառք է ստացել:

Մասնավորապես՝ նախաքննության ընթացքում պարզվել է, որ Տավուշի մարզի բնակիչ Ա. Ա.-ն եղբոր պետական նպաստի իրավունքի ժամկետը երկարաձգելու և նպաստի տրամադրումը չդադարեցնելու դիմաց 2023 թվականի մարտի 1-ին 20.000 ՀՀ դրամ կաշառք է տվել Միասնական սոցիալական ծառայության Նոյեմբերյանի տարածքային կենտրոնի աշխատակից Լ. Ա.-ին:

Բացի այդ, պարզվել է, որ վերը նշված պաշտոնատար անձը նույն օրը կաշառք է ստացել նաև Տավուշի մարզի մեկ այլ բնակչից՝ Յ. Գ.-ից: Վերջինս, իր բնակության վայրի փոփոխությամբ պայմանավորված պետական նպաստ ստացող շահառուների ցուցակում ընդգրկվելը չուշացնելու և նպաստը ժամանակին ստանալու համար Լ. Ա.-ին տվել է 10.000 ՀՀ դրամ կաշառք:

Կաշառք ստանալու համար Լ. Ա.-ին մեղադրանք է ներկայացվել ՀՀ քրեական օրենսգրքի 435-րդ հոդվածի 1-ին մասով(2 դրվագ), իսկ կաշառք տալու համար Ա. Ա.-ին և Յ. Գ.-ին մեղադրանք է ներկայացվել ՀՀ քրեական օրենսգրքի 436-րդ հոդվածի 1-ին մասով:

Քրեական վարույթով նախաքննությունն ավարտվել է: Վարույթի նյութերը մեղադրական եզրակացությամբ ուղարկվել են հսկողություն իրականացնող դատախազին՝ այն հաստատելու և դատարան ուղարկելու միջնորդությամբ:

Ծանուցում. հանցագործության համար մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով