Մարտի 7-ին՝ ժամը 10:00-ից մինչև 15:00-ն ընկած ժամանակահատվածում, Տավուշի մարզի Դիլիջան քաղաքում անցկացվելու է ««Օդային տագնապ» ազդանշանի դեպքում բնակչության ազդարարման, պատսպարման և տարհանման աշխատանքների կազմակերպումը» թեմայով վարժանք, որի ընթացքում՝ ժամը 12։00-ին, գործարկվելու է էլեկտրական շչակ:

Խնդրում ենք չանհանգստանալ։

Քաղաքացիական պաշտպանության միջազգային օրվան նվիրված, մարտի 1-ին
Հայաստանի մարզերում և Երևանում անց են կացվել դասախոսություններ և ուսումնավարժություններ:

Տավուշի մարզում իրականացվել են օրվան նվիրված հետևյալ միջոցառումները․
Իջևան համայնքի Դիտավան բնակավայրի դպրոցում, Իջևան քաղաքի թիվ 1, Դիլիջան քաղաքի թիվ 1, Բերդ քաղաքի թիվ 3 հիմնական և Նոյեմբերյան համայնքի Բարեկամավան բնակավայրի միջնակարգ դպրոցներում անց են կացվել հատուկ տակտիկական ուսումնավարժություններ՝ Պատսպարման կազմակերպումը «Օդային տագնապ» ազդանշանի դեպքում թեմայով:

Իջևան և Դիլիջան քաղաքների ավագ, Բերդ քաղաքի թիվ 1, Իջևան քաղաքի թիվ 1 , Նոյեմբերյան համայնքի Կողբ բնակավայրի թիվ 1 հիմնական և Հաղթանակ բնակավայրի միջնակարգ դպրոցներում անց են կացվել դասախոսություններ՝ Մարտի 1-ը քաղպաշտպանության համաշխարհային օր, քաղպաշտպանական ազդանշանները, ՔՊ պաշտպանական կառույցները, «Առաջին օգնությունը բեկորային վնասվածքի դեպքում», «Տարհանման կազմակերպումը օդային տագնապի դեպքում» թեմաներով:

Տավուշի մարզի 48 հանրակրթական դպրոցներում և 36 նախադպրոցական ուսումնական հաստատություններում 252 ուղեցույցների միջոցով իրականացվել են արտակարգ իրավիճակներում վարվելակերպի կանոնների պահպանման իրազեկման աշխատանքներ:

Օրվա առթիվ իրականացված միջոցառումների մասին կպատմենք Տավուշյան ռեպորտաժի տեսքով։

Զբոսաշրջային այցելավայրերի կառավարման «GoToDili» գրասենյակը, ՀՀ Էկոնոմիկայի նախարարության Զբոսաշրջության Կոմիտեի աջակցությամբ և AR-trails-ի մասնակցությամբ, մեկնարկել է «Հասանելի Դիլիջան» ներառական նոր նախագիծը։
Այն նախատեսված է լսողության սահմանափակ հնարավորություններ ունեցող մարդկանց, ինչպես նաև ամբողջովին խուլ/խուլ-համրերի համար։

«Հասանելի Դիլիջան»-ը նախագիծ է, որը թույլ է տալիս անցնել երեք լեզուներով՝ հայերեն, ռուսերեն, անգլերեն, օնլայն շրջայց-տուրեր Դիլիջանում, վիրտուալ սուրդոթարգմանիչների ուղեկցությամբ։ Սա առաջին նմանատիպ ծրագիրն է Հայաստանում, որն օգնում է լսողության սահմանափակումներ ունեցող մարդկանց գնալ էքսկուրսիա կամ անցնել կարճ արշավային երթուղի առանց կողմնակի օգնության։

Երթուղիներից օգտվելու համար անհրաժեշտ է ներբեռնել AR-Trails հավելվածը, որտեղ հասանելի է երեք պրոդուկտ․ քաղաքային էքսկուրսիա Դիլիջանում, քայլարշավ Ազգային պարկում և այցելություն վիրտուալ տեղեկատվական կենտրոն։ Ծրագիրը ընտրելուց հետո հավելվածը ցույց է տալիս երթուղին, իսկ վիրտուալ սուրդոթարգմանիչները ծանոթացնում են օգտատերերին տեղանքի հետ։

Քաղաքային էքսկուրսիան կծանոթացնի օգտատերերին Դիլիջանի պատմության և հանրահայտ տեսարժան վայրերի հետ։ Քայլարշավը կտանի դեպի Ազգային պարկի Թաքնված ջրվեժ, ընթացքում ծանոթացնելով կենդանական ու բուսական աշխարհի հետ։ AR-Trails հավելվածը թույլ է տալիս նաև այցելել վիրտուալ տեղեկատվական կենտրոն, որտեղ կարելի է գտնել Դիլիջանի մասին ընդհանրացված տեղեկատվություն: Ընդհանուր առմամբ, վիրտուալ էքսկուրսիաները ընդգրկում են Դիլիջանի 15 վայրեր:

«Ճամփորդությունը պետք է հասանելի լինի յուրաքանչյուրին», — կարևորեց ՀՀ ԷՆ զբոսաշրջության կոմիտեի նախագահ Սիսիան Պօղոսեանը։

«Հայաստան այցելող յուրաքանչյուր զբոսաշրջիկ անկախ ֆիզիկական կարողություններից պետք է հնարավորություն ունենա ճանապարհորդել մեր երկրում, բացահայտել թաքնված ուղիները և հավասարապես զգալ բոլոր հետաքրքիր և անմոռանալի փորձառությունները։ Այս համատեքստում Զբոսաշրջության կոմիտեն ողջունում է «Հասանելի Դիլիջան» զբոսաշրջային պրոդուկտի ստեղծումը, որը նոր հնարավորություն է անհատների համար բացահայտելու Հայաստանի զբոսաշրջային հրաշքները»։

««Հասանելի Դիլիջան» նախագծի նպատակն է Հայաստանում ներառական զբոսաշրջությունը հասցնել նոր, որակյալ մակարդակի» — նշել է GoToDili DMO-ի ղեկավար Անի Ավանեսովան։ «Պրոդուկտները, որոնք մշակված են հատուկ սահմանափակ հնարավորություններ ունեցող անձանց համար, ոչ միայն զգալի կերպով կբարելավվեն իրենց կյանքը, կտան նոր պայմաններ ծանոթանալու երկրի զբոսաշրջային տեղանքներին, բարենպաստորեն կաջակցեն սոցիալիզացիային, այլ նաև ընդհանուր առմամբ երկրին օգուտ կբերեն, դարձնելով այն ավելի գրավիչ զբոսաշրջիկների համար։ GoToDili թիմը ուրախ է լինել այս կարևոր ճանապարհի առաջամարտիկներից մեկը: Մենք անկեղծորեն հավատում ենք, որ կգա այն օրը, երբ Հայաստանը հնարավորինս հասանելի կդառնա բոլոր նրանց համար, ովքեր ցանկանում են ծանոթանալ նրա հետ»։

Հավելվածը ներբեռնելու հղումը՝ App Store, Google Play

GoToDili-ն զբոսաշրջային այցելավայրերի կառավարման և մարքեթինգային գրասենյակ է (Destination Management Organization), որն ուղղված է զարգացնել Դիլիջանը որպես զբոսաշրջային ուղղություն: 2022 թվականից GoToDili-ն հյուրերին ծանոթացնում է Դիլիջանի հետ իր պրոդուկտների միջոցով (քաղաքային տուր, արշավներ, էքսկուրսիաներ շրջակայքով, արտաճանապարհային տուրեր և այլն): Ծրագիրն իրականացվում է Impulse Management Company-ի աջակցությամբ, Ռուբեն Վարդանյանի և Վերոնիկա Զոնաբենդի կողմից 2012 թվականին մեկնարկած «Դիլիջան դեվելոփմենթ հիմնադրամ»-ի շրջանակներում։

«Դիլիջանի միջազգային դպրոց, Հայաստան» Հիմնադրամի կառավարման խորհուրդը հայտնել է, որ UWC Դիլիջանում դասավանդվում է Միջազգային բակալավրիատի դիպլոմի կրթական ծրագիրը, սովորում է 220 ուսանող ավելի քան 80 երկրից: ՆԴԿԴ-ը գործարկվել էր UWC Դիլիջանի անձնակազմի երեխաների կրթությունը կազմակերպելու նպատակով:
 
ՆԴԿԴ-ի ղեկավար Ստեֆանի Ջոնսը նշել է, որ տարրական, միջին եւ ավագ դպրոցի համար Քեմբրիջ միջազգային դպրոցի հավատարմագրումը զորեղացնում է անձնակազմի կարողությունը եւ «հավաստում է բազմազգ ուսանողական կազմի համար բարձրակարգ կրթություն ապահովելու մեր հանձնառությունը»։
 
UWC Դիլիջանի եւ «Դիլիջանի միջազգային դպրոց, Հայաստան» Հիմնադրամի տնօրեն Ադամ Արմանսկին ասել է, որ հավատարմագրումը նշանակալի ձեռքբերում է.
 
«Արտաքին գնահատում անցնելը խիստ կարեւոր է 70 աշակերտ ունեցող եւ աճող հաստատության համար: Հաջորդ տարի մեր աշակերտների մի մասը կփոխադրվի 10-րդ դասարան: Այսպիսով, կունենանք ամբողջական լրակազմ՝ նախակրթարանից մինչեւ UWC Դիլիջանի միջազգային բակալավրիատի ծրագրի 12-րդ դասարան»:
 
«UWC Դիլիջանը կարեւորում է արտաքին չափանիշներին համապատասխանությունը. սա կրթության գերազանցության կենտրոն դառնալու եւ պահպանելու պայմանն է»,- նշել է UWC Դիլիջանի համահիմնադիր եւ կառավարման խորհրդի նախագահ, Դիլիջանի միջազգային դպրոց, Հայաստան Հիմնադրամի կառավարման խորհրդի նախագահ Վերոնիկա Զոնաբենդը:
 
Քեմբրիջ միջազգային դպրոցների հավատարմագրումը ճանաչվում է կրթական գերատեսչությունների կողմից որպես բարձրորակ միջազգային կրթություն տրամադրելու հանձնառություն: Քեմբրիջ դպրոցները կազմում են մեկ համաշխարհային համայնք, որ նպատակ ունի նախապատրաստել ուսանողներին հարափոփոխ աշխարհում հաջողության հասնելու համար:

Երեք օր շարունակ «Դիլիջանի երիտասարդների համագործակցության կենտրոնում» թեժ քննարկումներ էին։

17 երիտասարդներ Իջևանից, Դիլիջանից և Ալավերդուց փետրվարի 22-24-ը մասնակցում էին «Արդյունավետ առաջնորդություն և հաղորդակցություն, կոնֆլիկտների լուծում և շահերի վրա կառուցած բանակցություններ» վերապատրաստման դասընթացին։ Մասնակիցների շարքում էին Տավուշ Մեդիայի լրագրողներ Հրանտ Ղազումյանն ու Էռնեստ Խանումյանը:

Երիտասարդները տեսական և գործնական վարժությունների միջոցով փորձում էին յուրացնել բանակցելու և հաղորդակցվելու հմտությունները։

Հայաստանում 2017 թվականին մեկնարկած «Շենքերի էներգաարդյունավետ արդիականացմանն ուղղված ներդրումների ռիսկերի նվազեցում» ծրագիրը, որի նպատակը բազմաբնակարան շենքերի էներգաարդյունավետ արդիականացմանն ուղղված գործողություններին աջակցելն է՝ բնակիչների, սեփականատերերի՝ էներգիայի ու դրամական միջոցների էական տնտեսման, այդ թվում ջերմոցային գազերի արտանետումների նվազեցման համար։ Փետրվարի 20-ին Տավուշի մարզպետարանում տեղի ունեցավ հանդիպում պետական կառավարման, տեղական ինքնակառավարման ներկայացուցիչների հետ՝ ծրագրի մասին հավելյալ տեղեկություններ տրամադրելու, քննարկում ծավալելու ու հնարավոր հարցերին պատասխաններ հասցեագրելու նպատակով:

Ծրագիրը սերտորեն համագործակցում է Հայաստանի տարածքային կառավարման ու ենթակառուցվածքների նախարարության հետ՝ համաֆինանսավորելով պետական սուբվենցիոն ծրագրի շրջանակում համայնքների ներկայացրած հայտերը։

Էներգաարդյունավետ արդիականացումն օգնում է համայնքներին ու համայնքի բնակիչներին խնայել էներգիայի վրա ծախսվող ֆինանսական ռեսուրսների 20-50%-ը: Դիլիջանում 11 շենք է արդիականացվել, և ըստ համայնքապետի բնակիչների՝ էներգիայի վրա ծախսվող խնայողությունը կազմել է 40 տոկոս։

«Շենքերի էներգաարդյունավետ արդիականացմանն ուղղված ներդրումների ռիսկերի նվազեցում» ծրագիրն իրականացնում է Հայաստանում ՄԱԿ-ի Զարգացման ծրագիրը ՀՀ շրջակա միջավայրի նախարարության հետ համագործակցությամբ և Կլիմայի կանաչ հիմնադրամի ֆինանսավորմամբ։

Դիլիջանում կա բարձրակարգ սպորտային ենթակառուցվածքների մեծ պակաս: Զբոսայգու զարգացման ծրագրի շրջանակներում և տեղի համայնքի առաջարկով նախատեսվում է կառուցել բասկետբոլի համալիր և անվտանգ խաղադաշտ։ Այն իրականացնելու համար «reArmenia» հարթակում սկսվել է դրամահավաք։ Յուրաքանչյուր նվիրատվություն ներդրում է հայկական սպորտի զարգացման գործում։

2022 թվականին «Դիլիջանի զարգացման հիմնադրամի» («Dilijan Development Foundation») նախաձեռնությամբ և Գևորգյանների ընտանիքի ֆինանսական աջակցությամբ Քաղաքային զբոսայգում բացվել է մարզման գոտի ունեցող բազմաֆունկցիոնալ խաղադաշտ։ Լավ կահավորված սպորտային գոտին մեծ տարածում է գտել տարբեր տարիքի բնակիչների շրջանում, ընձեռել է մի քանի սպորտաձևով զբաղվելու և քաղաքի բնակիչների սպորտային ժամանցի բազմազանության վրա դրական ազդեցություն թողնելու հնարավորություն: Սակայն աճող համբավը նվազեցնում է խաղադաշտի հասանելիությունը, և իրավիճակը հատկապես սուր է թիմային սպորտի շուրջ:

Ակտիվ հանգստի նկատմամբ աճող հետաքրքրությունը խթանելու համար անհրաժեշտ է ընդլայնել սպորտով զբաղվելու համար հարմար տարածքը։ Քաղաքային հանրային քննարկումների ընթացքում նախ և առաջ որոշվեց ստեղծել բասկետբոլի համալիր խաղադաշտ՝ խաղացողների տրաֆիկը բաշխելով մասնագիտացված գոտիներում։ Այն կկառուցվի սթրիթբոլի հին փողոցային խաղադաշտի տեղում: Այս տարածքը վաղուց չի օգտագործվում՝ կոտրված մակերեսները, տարրական տեխնիկայի և լուսավորության բացակայությունը այն դարձնում են սպորտով զբաղվելու համար ոչ պիտանի։

Նոր խաղադաշտը կունենա այն ամենն, ինչ անհրաժեշտ է լիարժեք խաղի համար՝ գծանշումներով ռետինե մակերես, պրոֆեսիոնալ օղակներ, ցանկապատ, լուսավորություն և շրջակա տարածքի կանաչապատում: Բասկետբոլի խաղադաշտը կարևոր քայլ կլինի մանկապատանեկան սպորտին աջակցելու համար։ Այն կբարելավի Դիլիջանի մարզական ենթակառուցվածքը, կդիվերսիֆիկացնի քաղաքացիների ժամանցը և կնպաստի առողջ ապրելակերպի մասսայականացմանը։

Բասկետբոլի նոր խաղադաշտի կառուցման համար դրամահավաքն իրականացվում է «reArmenia» հարթակում։ Ցանկացած նվիրատվություն էական ներդրում կլինի դիլիջանցիների համար սպորտային պայմանների բարելավման գործում։
Դրամահավաքի հղումը.  

Բասկետբոլի նոր խաղադաշտի կառուցումը Դիլիջանի քաղաքային զբոսայգու զարգացման ծրագրի մի մասն է։ Ամբողջական զարգացման ծրագրի մասին տեղեկություններ կարող եք ստանալ https://dilipark.am/ կայքում։

Փետրվարի 13-ին՝ ժամը 10:00-ից մինչև 15:00-ն ընկած ժամանակահատվածում, Տավուշի մարզի Դիլիջան համայնքի Գոշ բնակավայրում անցկացվելու է ««Օդային տագնապ» ազդանշանի դեպքում բնակչության ազդարարման, պատսպարման և տարհանման աշխատանքների կազմակերպումը» թեմայով վարժանք, որի ընթացքում գործարկվելու է էլեկտրական շչակ:

Խնդրում ենք չանհանգստանալ։

Տավուշը մենք ենք․ մեր գյուղերը, գյուղում ապրող և հողի ու բնության հետ խոսող, դժվարությունները հաղթահարող և ամեն բացվող օրվա հետ նորը արարող մարդիկ։

Շարունակելով ներկայացնել Տավուշի մարզի գյուղերը՝ կանգ ենք առնում Խաչարձանում։

Փրկարար ծառայությունը տեղեկացնում է, որ հունվարի 27-ի դրությամբ ՀՀ տարածքում կան փակ և դժվարանցանելի ավտոճանապարհներ։

Տավուշի մարզում Դիլիջանի ոլորանները, Դիլիջան-Վանաձոր, Իջևան-Նոյեմբերյան, Վազաշեն-Պառավաքար ավտոճանապարհները փակ են կցորդիչով բեռնատարների համար, իսկ Բերդ-Ճամբարակ ճանապարհահատվածում բուք է:

Մինչև փետրվարի 15-ը ճանապարհի վերանորոգման աշխատանքներով պայմանավորված Մ-6 մայրուղու Վանաձոր-Ալավերդի ճանապարհահատվածի մոտ 38-40-րդ կմ փակ է լինելու ավտոբուսների և կցորդով կամ կիսակցորդով բեռնատար ավտոմեքենաների համար։ Շրջանցիկ ավտոճանապարհը կգործի Նոյեմբերյան քաղաքով։

Հարգելի՛ վարորդներ, հորդորում ենք լինել ուշադիր, խստագույնս պահպանել ճանապարհային երթևեկության կանոնները և երթևեկել բացառապես ձմեռային անվադողերով։