Դիլիջանում բացվեց Apicius Armenia միջազգային հյուրընկալության դպրոցը, որն իր հետ Հայաստան է բերում իտալական խոհանոցի համերն ու հյուրընկալության, գաստրոնոմիայի և առողջ ապրելակերպի մշակույթը։ Միջազգային դպրոցում դասերը կվարեն իտալացի փորձառու մասնագետները, ովքեր հայաստանյան միջավայրում կհամադրեն եվրոպական ստանդարտներն ու մեր տեղական առանձնահատկությունները։

«Մենք ցանկանում ենք բարելավել զժբոսաշրջության ոլորտում ծառայությունների որակը, և մեր միջազգային գործընկերները կօգնեն մեզ այս հարցում: Այս նախագծով մենք ցանկանում ենք միջազգային չափորոշիչներ բերել հայկական հյուրընկալության ասպարեզ: Հայերը զարմանալի ազգ են, նրանց մեջ հյուրընկալությունը ներդրված է գենետիկ մակարդակում ու մենք ուզում ենք բարելավել այս ոլորտը, ներդնել միջազգային առաջավոր փորձը, որպեսզի Դիլիջան եկող ցանկացած մարդ, անկախ նրանից, թե որ երկրից է եկել, հիանալի ժամանակ անցկացնի այստեղ, քաղաքի հյուրերը ցանկանան ավելի երկար մնալ, ինչու ոչ՝ նույնիսկ մի պահ այցելեն Դիլիջան ապրելու համար»,- նշում է «Green Rock» հիմնադրամի տնօրեն, Apicius Armenia նախագծի ղեկավար Կատյա Բրեդիխինան։

Միջազգային հյուրընկալության մայր դպրոցը՝ Apicius Florence-ը, գործում է Իտալիայի Ֆլորենցիա քաղաքում դեռևս 1997 թվականից և համարվում է Իտալիայի առաջին միջազգային հյուրընկալության դպրոցներից։ Այն ընդունում է տարեկան հազարավոր ուսանողների աշխարհի տարբեր ծայրերից, ովքեր Ֆլորենցիայից վերադառնում են նոր մասնագիտությամբ, նոր մշակույթով ու մտածողությամբ։ Այժմ այդ փորձը տեղափոխվում ու տեղայնացվում է Դիլիջանում՝ տալով հայ ուսանողներին և տարածաշրջանի երիտասարդներին բացառիկ հնարավորություն իրենց քաղաքից չհեռանալով ստանալ նույն որակի կրթությունը։

«Հյուրընկալության կրթական ոլորտում աշխատում եմ ավելի քան 25 տարի, և համոզված եմ, որ այս դպրոցը և նմանատիպ դպրոցները մարդկանց ու աշխարհին գիտելիքները փոխանցելու հիանալի հնարավորություն են ստեղծում: Կրթություն այստեղ համապատասխանում է միջազգային չափորոշիչներին: Խոհանոցը բարդ ու հետաքրքիր մի աշխարհ է, գուցե լինեն խոչընդոտներ, բայց պետք է գնալ նախանշած ճանապարհով: Աշխարհում բարձր են գնահատում այս աշխատանքը, այնպես որ՝ եթե կա ցանկություն, պետք է առաջ գնալ»,- իր խոսքում նշեց Apicius Florence գործադիր շեֆ-խոհարար և գլխավոր մենեջեր Անդրեա Տրապպանին։

Apicius Armenia-ն «Green Rock» հիմնադրամի հերթական նախագիծն է, որ Դիլիջանում բացում է հյուրընկալության դռները։ Այն խոստանում է զարգացնել տեղական զբոսաշրջային ոլորտը, խթանել տնտեսական աճն ու վերարժևորել հայկական գաստրոնոմիկ ժառանգությունը՝ Հայաստանը դարձնելով միջազգային նշաձող սահմանող կենտրոն։

«Հայաստանում հյուրընկալության առաջին միջազգային դպրոցը կարևոր է ոչ միայն Դիլիջանի, այլև ամբողջ Հայաստանի համար, քանի որ այն կբերի միջազգային փորձ, գիտելիքներ, մասնագետների մոտիվացիա, և այստեղ կսովորեն պատանիներ, երիտասարդներ, նաև մեծահասակներ: Ուսանողների համար ստեղծել ենք անհրաժեշտ պայմանները, որ թույլ կտա նրանց սովորել ու ապրել Դիլիջանում, ինտեգրվել դիլիջանյան կյանքին: Հույս ունենք, որ միջազգային այս դպրոցը դրական փոփոխություններ է բերելու Դիլիջան»,- ընդգծում է «Green Rock» ընկերության գլխավոր գործադիր տնօրեն Կատերինա Դանեկինան։

Այսուհետ հյուրընկալության և գաստրոնոմիայի նոր սերունդը կձևավորվի նաև Դիլիջանում։ Այսկերպ ամրապնդվում են Հայաստանի դիրքերը միջազգային զբոսաշրջության քարտեզի վրա՝ պատրաստելով այնպիսի մասնագետների, որոնց որակը ճանաչելի կլինի աշխարհում։

Կարդացեք նաև՝

Արծվաբերդ գյուղում անցկացվեց ազգային պարերին նվիրված միջոցառում, որտեղ մասնակիցները ներկայացրին մեր հնագույն ու հարազատ պարերը։ Բացի պարային ելույթներից, բեմադրվեց նաև «Կիկոսի մահը» հեքիաթը, որը միջոցառմանը հաղորդեց նոր երանգ ու բովանդակություն։

Հեղինակ՝ Հայկ Դոմբրյան։

Օգոստոսի 30-ին, ժամը 17։51-ին Տավուշի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Աչաջուր գյուղի 5-րդ փողոցի տներից մեկի բակում այրվում է ավտոմեքենա․ տուժածներ չկան:

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Հրդեհը մեկուսացվել է ժամը 18:19-ին, մարվել` 18:23-ին: Այրվել է «UAZ» մակնիշի ավտոմեքենան։

Օգոստոսի 24-ին՝ ժամը 20։24-ին, Համայնքային ոստիկանության Իջևանի բաժնում ստացված ահազանգի հետքերով ձեռնարկված միջոցառումների արդյունքում պարզվել է, որ Ազատամուտ գյուղի բնակիչ՝ 22-ամյա և 21-ամյա երկու եղբայր, խախտելով հասարակական կարգը, ավտոմեքենայից հայհոյանքներ են հնչեցրել 15-ամյա համագյուղացու հասցեին, ինչից հետո նրանց են միացել պատանու երկու եղբայրները, և փոխադարձ հայհոյանքներ հնչեցրել միմյանց հասցեին, նաև կողմերից մեկը քարեր էր նետել մյուս կողմի ուղղությամբ՝ խախտելով բնակավայրի անդորրը։

Նախաձեռնվել է քրեական վարույթ, որի շրջանակներում մասնակիցներից 21-ամյա երիտասարդը ձերբակալվել և տեղափոխվել է ձերբակալվածների պահման վայր:

————————————————————————————————————————

Օգոստոսի 27-ին` տեղական ժամանակով ժամը 00:33-ին (Գրինվիչի ժամանակով` Օգոստոսի 26-ին ժամը 20։33-ին) ՀՀ ՆԳՆ Սեյսմիկ պաշտպանության տարածքային  ծառայության սեյսմոլոգիական ցանցի կողմից գրանցվել է  հյուսիսային լայնության 42.52⁰ և արևելյան երկայնության 48․20⁰ աշխարհագրական կոորդինատներով Ռուսաստանի Դաշնություն՝ Մախաչկալա քաղաքից 75 կմ հարավ-արևելք 10 կմ խորությամբ 5.5 մագնիտուդով երկրաշարժ։ Այս մասին տեղեկացնում է ՆԳՆ Փրկարար ծառայությունը։

Էպիկենտրոնային գոտում ստորգետնյա ցնցման ուժգնությունը կազմել է 7-8 բալ: Երկրաշարժը զգացվել է Տավուշի մարզի մի շարք համայնքներում՝ 2-3 բալ ուժգնությամբ:

Օգոստոսի 26-ին, ժամը 02։22-ին Տավուշի մարզային փրկարարական վարչության ճգնաժամային կառավարման կենտրոն տեղեկություն է ստացվել, որ Պառավաքար գյուղում այրվում է ավտոմեքենա:

Դեպքի վայր են մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ և ՔՊՎ քաղաքացիական պաշտպանության ուժերի հավաքական կենտրոնի Տաուշի հատուկ օբյեկտների պահպանության հրշեջ-փրկարարական ջոկատի Պառավաքարի հրշեջ-փրկարարական խմբից մեկ մարտական հաշվարկ։

Պարզվել է, որ հրդեհը բռնկվել է Պառավաքար գյուղի 12-րդ փողոցի տներից մեկի բակում կայանած «Mercedes-Benz» մակնիշի ավտոմեքենայում։

Հրդեհը մեկուսացվել է ժամը 03:10-ին, մարվել՝ 03:35-ին: Այրվել է ավտոմեքենան: Կանխվել է հրդեհի տարածումը դեպի մոտակա տունը:

Շարունակվում է «Տավուշի իմ տան հեքիաթը» մրցույթը․ նպատակն է պահպանել և տարածել մեր թանկարժեք բարբառը, ավանդույթներն ու պատմությունները։

Այս անգամ մրցույթին մասնակցել են Գանձաքարի միջնակարգ դպրոցի 6-րդ դասարանցիները՝ «Ակունք» խմբով։ Նրանք բարբառով հանելուկներ են կազմել և զարդարել դրանք նկարազարդ պատկերներով։ Երեխաների ստեղծագործություններում հյուսված են բնության գույներն ու հողի բույրը, արևի ջերմությունն ու նրանց մեծ երազանքները։

Խմբի անդամները իրենց աշխատանքի միջոցով փոխանցում են սերն առ իրենց հարազատ բարբառը, դեպի իրենց գյուղը։

Մրցույթը շարունակվում է, և Տավուշի դպրոցների աշակերտներն իրենց աշխատանքներով բացահայտում են հայրենի գյուղերի պատմությունն ու գեղեցկությունը։

Սիրելի տավուշեցի դպրոցական,
պատմիր աշխարհին քո գյուղի մասին, ներկայացրու նրա պատմությունը, ցուցադրիր հիասքանչ բնությունն ու այնտեղ ապրող հրաշալի մարդկանց․ մասնակցիր «Տավուշի իմ տան հեքիաթը» մրցույթին։

Կարդացեք նաև՝

Օգոստոսի 25-ին, ժամը 00։11-ին Տավուշի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Բերդավան գյուղի 4-րդ փողոցում այրվում է ավտոմեքենա:

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Հրդեհը մեկուսացվել է ժամը 00:37-ին, մարվել՝ 00:47-ին: Այրվել է «VAZ» մակնիշի ավտոմեքենան․ տուժածներ չկան:

Այգեձորում արդեն 13-րդ անգամ կայացավ «Բարի լույս, Այգեձոր» խորագրով զուռնայի փառատոնը։ Այս ավանդույթը տարիներ շարունակ համախմբում է Այգեձորի և շրջակա գյուղերի բնակիչներին, բացի այդ, ունի նաև կարևոր առաքելություն՝ հայկական ազգային երաժշտության ոգին պահպանելու և սերունդներին փոխանցելու տեսանկյունից։

Այգեձորի լեռներն ու ձորերը կրկին լցվեցին հայկական զուռնայի խրոխտ հնչյուններով։ Երաժշտությունը մի պահ կապեց անցյալն ու ներկան՝ հիշեցնելով մեր ինքնության ու մշակութային ժառանգության մասին։

Փառատոնը դարձավ համախմբման տոն, որտեղ մարդիկ հավաքվել էին ոչ միայն ուրախանալու, այլև իրենց մասնակցությամբ հաստատելու, որ ազգային մշակույթը կենդանի է այնքան ժամանակ, քանի դեռ այն սիրով ու հավատով փոխանցվում է։

Հեղինակ՝ Բերդ համայնքից Տավուշ Մեդիայի թղթակից Անահիտ Մակյան։

Օգոստոսի 22-ին՝ տեղական ժամանակով ժամը 15:03-ին (Գրինվիչի ժամանակով` ժամը 11։03-ին), ՆԳՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է  հյուսիսային լայնության 41.00⁰ և արևելյան երկայնության 44.98⁰ աշխարհագրական կոորդինատներով Հայաստան-Ադրբեջան սահմանային գոտում՝ Նոյեմբերյան քաղաքից 19 կմ հարավ, օջախի 10 կմ խորությամբ, 3․2 մագնիտուդով երկրաշարժ։ Այս մասին տեղեկացնում են ՆԳՆ Փրկարար ծառայությունից:

Էպիկենտրոնային գոտում ստորգետնյա ցնցման ուժգնությունը կազմել է 4 բալ:

Երկրաշարժը զգացվել է Տավուշի մարզի՝ Նոյեմբերյան, Իջևան, Բերդ քաղաքներում, Ոսկեպար, Աչաջուր, Կոթի գյուղերում՝ 3 բալ, ինչպես նաև Լոռու մարզի Ալավերդի, Ստեփանավան քաղաքներում, Դսեղ, Լորուտ և Թեղուտ գյուղերում՝ 2-3 բալ ուժգնությամբ։