«Փի-Էյչ Ինթերնեշնլ» կազմակերպությունը ՀՀ-ում ԱՄՆ դեսպանատան կողմից հովանավորվող «Անգլերենի ուսումնառություն և երիտասարդների զարգացում» ծրագրի շրջանակում հրավիրում է Դիլիջան, Իջևան, Նոյեմբերյան քաղաքներում և հարակից համայնքներում բնակվող 16-35 տարեկան երիտասարդներին՝ մասնակցելու World Café ձևաչափով արագացված դասընթացների, որոնք ուղղված են աշխատաշուկայի պահանջներին համապատասխանող հմտությունների զարգացմանը։
Դասընթացների շրջանակում մասնակիցներին հնարավորություն կտրվի զարգացնելու կարիերայի առաջխաղացման համար անհրաժեշտ հիմնական հմտություններն ու ռազմավարությունները, ծանոթանալու ԱՄՆ-ում և Եվրոպայում երիտասարդների համար նախատեսված ուսումնական, մշակութային և մասնագիտական վերապատրաստման ծրագրերին և դրանց դիմելու ընթացակարգերին, համոզվելու, թե ինչպես են հաղորդակցման հմտություններն ու հուզական ինտելեկտը նպաստում արդյունավետ աշխատանքային միջավայրի ստեղծմանը, ինչպես նաև զարգացնելու բովանդակությունը քննադատաբար վերլուծելու կարողությունը թվային տեղեկատվության և սոցիալական մեդիայի համատեքստում:
- Ուսումնական, մշակութային և մասնագիտական զարգացման ծրագրեր ԱՄՆ-ում և Եվրոպայում։ Դասընթացավարներ՝ Հասմիկ Միքայելյան և Լանա Կառլովա
- Քննադատական մտածողություն կիբերտարածքում, արհեստական բանականություն և սոցիալական մեդիա։ Դասընթացավարներ՝ Սամվել Մարտիրոսյան և Արթուր Պապյան
- Ինչպես փնտրել և գտնել աշխատանք ՀԿ ոլորտում և բիզնեսում․ անհրաժեշտ հմտություններ և խորհուրդներ։ Դասընթացավարներ՝ Արփի Կարապետյան և Հասմիկ Վարդանյան
- Հաղորդակցման հմտությունները և հուզական ինտելեկտը՝ որպես կարևորագույն հմտություններ աշխատանքային միջավայրում։ Դասընթացավարներ՝ Տաթևիկ Աբրահամյան և Թամար Այդինյան
