Դեբեդավանում մկրտվեցին համայնքի 50 բնակիչներ՝ գյուղի նոր կառուցվող եկեղեցու մոտ

Հոգևոր նոր ծնունդներ՝ մինչ բարձրանում են նոր կառուցվող եկեղեցու պատերը։

Մայիսի 21-ը սահմանապահ Դեբեդավան բնակավայրի համար կարևոր օրերից էր․ գյուղի՝ դեռևս կառուցվող սբ․ Մարիամ Աստվածածին եկեղեցու մոտ մկրտվեցին համայնքի շուրջ 50 բնակիչներ։

Մկրտությունը կազմակերպվել էր «Շենացնող համայնքներ» ՀԿ-ն ռուսաստանաբնակ բարերար Արսեն Միքայելյանի հովանավորությամբ և Տավուշի թեմի աջակցությամբ։ Մկրտվողները երեխաներ և մեծահասակներ էին, իսկ մկրտության կնքահայրերը՝ Արցախյան պատերազմի մասնակիցներ։

Մկրտության կարգն իրականացվեց Տավուշի թեմի առաջնորդ Տեր Բագրատ եպիսկոպոս Գալստանյանի ձեռամբ։