Սուրբ Մաթեոս եկեղեցին գտնվում է Տավուշի մարզի Գետահովիտ համայնքում։ Եկեղեցին կառուցվել է 2018 թվականին։ Մինչ եկեղեցու կառուցումը Գետահովիտում չի եղել գործող եկեղեցի, պահպանվել էր միայն Միջնաշեն կոչվող կիսավեր հինավուրց տաճարը, որը բնակավայրից բավականին հեռու է գտնվում:
Սուրբ Մաթեոս եկեղեցին կառուցվել է գետահովիտցի Կորյուն Ուլիխանյանի նախաձեռնությամբ և միջոցներով և օծվել 2023թ. հուլիսի 8-ին՝ Տավուշի թեմի առաջնորդ Բագրատ արքեպիսկոպոս Գալստանյանի ձեռամբ։
Անվան հետ կապված առանձնահատուկ պատմություն չկա: Պարզապես Մաթեոս անունը կրել է բարերար Կորյուն Ուլիխանյանի պապիկի հայրիկը, այժմ՝ իր փոքր որդին։
Եկեղեցու տարածքը գտնվում է Հայաստանի հուշարձաների պատմամշակույթային հատուկ պահպանվող տարածքում:
Եկեղեցու տարածքում են գտնվում նաև Հայրենական մեծ պատերազմի զոհերի հիշատակին նվիրված հուշարձանը և եղեռնի զոհերի հիշատակի փոքր հուշահամալիրը։
Սուրբ Մաթեոս եկեղեցին առանձնանում է իր պատմական և մշակութային նշանակությամբ, ինչպես նաև իր համայնքային և հոգևոր դերակատարությամբ։ Այն հանդիսանում է հոգևոր կենտրոն՝ կառուցված հայկական ավանդական ճարտարապետական ոճով։ Եկեղեցին միանավ է և ունի ութանկյուն հատակագիծ։
Սուրբ Մաթեոս եկեղեցու կառուցումը նշանակալի քայլ է նաև համայնքի մշակութային կյանքի զարգացման համար։
Ծրագիրը իրականացվում է Եվրոպական միության կողմից ֆինանսավորվող EU4Culture-ի “Մենք ենք մեր սարերը” ծրագրի շրջանակներում։
Ծրագիրը իրականացվում է Իջևանի համայնքապետարանի և Ուրբան կայուն զարգացման հիմնադրամի կողմից։
