1992 թվականի հունվարի 28-ին կառավարությունն ընդունեց «Հայաստանի Հանրապետության Պաշտպանության նախարարության մասին» որոշում` դրանով իսկ իրավականորեն ազդարարելով Հայոց բանակի կազմավորումը: Արդեն 33-րդ տարին է՝ Հայկական բանակը անցնելով փորձություններով, շարունակում է լինել Հայաստանի Հանրապետության անվտանգության երաշխավորը:
ՀՀ զինված ուժերի կազմավորման 33-րդ տարեդարձի կապակցությամբ հունվարի 28-ին Իջևանում քաղաքացիների հետ միասին՝ պետական կառավարման և տեղական ինքնակառավարման մարմինների ներկայացուցիչները հարգանքի տուրք են մատուցել բոլոր ժամանակներում հանուն հայրենիքի նահատակված հայորդիների հիշատակին:
