Համայնքային ոստիկանության Իջևանի բաժնի ծառայողների բացատրական աշխատանքի շնորհիվ մայիսի 23-ին Այգեստան փողոցի բնակիչ 72-ամյա տղամարդը կամավոր հանձնել է «ԻԺ-17» մոդելի 16 մմ տրամաչափի որսորդական ողորկափող և երկու «ՏՕԶ-16» մոդելի 5,6 մմ տրամաչափի մեկփողանի որսորդական ակոսափող հրացաններ: Նա հայտնել է նաև, որ զենք-զինամթերքը պատկանել է հանգուցյալ եղբորը: Կազմված փաստաթղերն ուղարկվել են Տավուշի մարզային քննչական վարչություն։ Կրկին հորդորում ենք կամավոր հանձնել ապօրինի պահվող զենք-զինամթերքը: Նման դեպքերում անձն ազատվում է քրեական պատասխանատվությունից։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
