Օդային տագնապ Լուսաձորի հիմնական դպրոցում. բնակչությանը պատսպարվել պաշտպանական կառույցներում։ Դպրոցի կառավարման մարմինն ու փրկարար ուժերը համապատասխան պլաններով ու հրահանգներով, գործի են դնում նախատեսված քաղպաշտպանական միջոցառումները:
Մարտի 1-ը միջազգային հանրությունը նշում է Քաղաքացիական պաշտպանության համաշխարհային օրը: Ինչպես ամեն տարի՝ այս տարի ևս օրվան նվիրված միջոցառումներ են անցկացվել հանրապետության ուսումնական հասատատություններում։ Փրկարար ծառայության Տավուշի մարզային փրկարարական վարչության ծառայողները հատկապես այսօր հաստատում են՝ միշտ պատրաստ են օգնության հասնելու, նաև՝ սովորեցնելու: Տավուշի մարզի համայնքներում իրականացվել են հատուկ տակտիկական ուսումնավարժություններ, անցկացվել դասախոսություններ։
Հատուկ տակտիկական ուսումնավարժությունների, սեմինար-դասընթացների, գործնական պարապմունքների հիմնական թեմաներն էին՝ «Օդային տագնապ» ազդանշանի դեպքում անձնակազմի պատսպարման իրականացումը», «Բնակչության տարհանման կազմակերպումը», «Բնակչության ազդարարում, տարահանում և պատսպարումը»: Միջոցառումների շրջանակներում որոշ բնակավայրերում գործարկվեցին նաև էլեկտրական շչակներ:
Քաղաքացիական պաշտպանության համաշխարհային օրվա առիթով կազմակերպված միջոցառումների առանցքում բնակչության իրազեկման մակարդակի բարձրացումն ու պատրաստվածության ամրապնդումն էր՝ ընդգծելով անվտանգության մշակույթի ձևավորման անհրաժեշտությունն ու հիշեցնելով՝ ՈՎ ԻՐԱԶԵԿՎԱԾ Է, ՆԱ ՊԱՇՏՊԱՆՎԱԾ Է։
