Տավուշի, Լոռու, Սյունիքի, Վայոց Ձորի յոթ խոշորացված համայնքներում շարունակվում է «Հայաստանի կենդանի լանդշաֆտները շուկայի զարգացման համար» (ԼԻԼԱ) ծրագրի իրականացումը։ Այն միտված է Հայաստանի լեռնային էկոհամակարգերում բնական ռեսուրսների պահպանմանն ու կայուն օգտագործմանն՝ ուղղված երկրի գյուղական բնակչության կենսապայմանների բարելավմանը։ Ծրագիրն իրականացվում է Բնության համաշխարհային հիմնադրամի հայաստանյան և կովկասյան գրասենյակների կողմից՝ Շվեյցարիայի կառավարության ֆինանսավորմամբ և «Ռազմավարական զարգացման գործակալություն» ՀԿ-ի հետ համատեղ։ Ծրագիրը ներառում է երկու հիմնական բաղադրիչ՝ տնտեսական և բնապահպանական։ Բնապահպանական բաղադրիչը ներառում է արևային էներգետիկ համակարգերի տեղադրում, էներգաարդյունավետ լուծումների ներդրում, արոտային ենթակառուցվածքների բարելավում, ինչպես նաև բնական լանդշաֆտների կայուն կառավարման համակարգի մշակում։
Տնտեսական բաղադրիչի շրջանակում, ուշադրություն է դարձվում կայուն և ներառական զբոսաշրջության զարգացմանը, վայրի բույսերի հավաքչության և գյուղմթերքի մատակարարման արժեշղթաների ամրապնդմանը։ Այդ նպատակով աջակցություն է տրամադրվել համայնքներում գործող բիզնեսներին՝ ենթակառուցվածքների զարգացման, ծառայությունների տեսանելիության բարձրացման, շուկաների ընդլայնման, ինչպես նաև մասնագիտական կարողությունների ու հմտությունների զարգացման ուղղությամբ։
Ենոքավանում գործող «Բերկրի» հյուրատունը ծրագիրի շահառուներից մեկն է։ Հյուրատան հիմնադիրի նմանատիպ ծրագրերը կարևորում է, քանի որ նպաստում են համայնքների տնտեսական զարգացմանը՝ խթանելով տեղական արտադրանքի սպառումը և զբոսաշրջային հոսքերի ավելացումը։
Ծրագրի կարևոր ուղղություններից է նաև համագործակցությունը տեղական ինքնակառավարման մարմինների և պետական կառույցների հետ՝ բնական ռեսուրսների կառավարման և կլիմայական դիմակայունության ամրապնդման նպատակով։
«Հայաստանի կենդանի լանդշաֆտները շուկայի զարգացման համար» ծրագիրը փորձ է համայնքների զարգացման և բնության պահպանության համատեղ մոդելի ներդրման՝ տարածաշրջանային զարգացման և կայուն կենսապահովման նոր մոտեցումներով։
