Ամերիկյան «Փարոս» հիմնադրամի աջակցությամբ Իջևան համայնքի Ծաղկավան բնակավայրում նոր մանկապարտեզ է կառուցվել։ Կառուցված մանկապարտեզի շենքի բացման հանդիսավոր արարողությունը տեղի ունեցավ հունվարի 31-ին: Մինչ այս ծաղկավանցի փոքրիկները հաճախել են հարևան գյուղերի մանկապարտեզներ:
«Գյուղը խորհրդային տարիներից ի վեր մանակապարտեզ չի ունեցել և սա կարևոր իրադարձություն է սահմանամերձ Ծաղկավանի համար«»,- նշում է Ծաղկավան բնակավայրի վարչական ղեկավարը:
Մանկապարտեզի շահագործմանը աջակցել են նաև այլ կառույցներ. գույքը տրամադրվել է Focus on Children կազմակերպության կողմից:
Մանկապարտեզը մոտ 1 ամսից իր հարկի տակ կընդունի 22 ծաղկավանցի երեխաների: Շենքի կայուն գործունեությանը նպաստել է նաև Իջևանի համայնքապետարանը՝ լուծելով գազիֆիկացման և կոյուղու խնդիրները:
«Փարոս» հիմնադրամի առաքելությունն է արդյունավետ կերպով իրականացել հումանիտար, կրթամշակութային և զարգացման ծրագրեր՝ աջակցելով տեղական կառույցներին և համագործակցելով սփյուռքի հետ: Կառույցն առաջնահերթ կերպով աջակցում է մանկապարտեզներին, բուժհիմնարկներին ու դպրոցներին:
