«ԻննոԻջևան» հանգույցում գործող «Իրական Դպրոց» Իջեւանն ազդարարեց նոր կրթական
տարվա սկիզբը։ Միջոցառման ընթացքում տեղի ունեցավ պաշտոնական բացման արարողությունը
«Թամզարա» նախաձեռնության հետ համատեղ:
«Իրական դպրոց»-ը Տավուշի մարզում իրականացվող «ԻննոԻջևան» նախագծի կրթական մասն է, որը կարևոր քայլ է ձեռնարկությունները, գիտությունը և պետությունը միմյանց կապելու ճանապարհին։
Դպրոցում կան 4 աշխատանոցներ՝ անօդաչու թռչող սարքերի, ճարտարագիտական, կենսաքիմիայի և համակարգչային, որտեղ ուսանողները հնարավորություն ունեն աշխատելու նորարար սարքավորումներով:
Իրական դպրոցում առաջնահերթ կարևորություն են տալիս փորձառական ուսուցմանը՝ կրթությունն իրական դպրոցում նախագծահեն է: Ստացած գիտելիքը ամրապնդվում է փորձով, իրական նախագծի վրա աշխատանքով, ինչը հնարավորություն է տալիս գիտելիքը վերածել մնայուն արժեքի:
