«Էներգախնայողության աջակցման հիմնադրամ» ՀԿ-ի կողմից իրականացվող «Փոքր մասշտաբի վերականգնվող էներգիայի և էներգիաարդյունավետության միջոցառումներ հանրային շենքերում և պիլոտային մեկուսացում տնային տնտեսությունների մակարդակում միջոցառում» ԳՄՀԸ դրամաշնորհային ծրագրի շրջանակում «Կոմպասս» ՀԿ-ն մեկնարկում է հանրային իրազեկման միջոցառումների շարք:
«Կոմպասս» ՀԿ-ն հրավիրում է մասնակցելու կարճ տեսահոլովակների՝ reels-երի մրցույթին՝ «Էներգաարդյունավետ լուծումներ» թեմայով: Ստեղծեք ոգեշնչող և ստեղծագործական ռիլեր, որոնք կբացահայտեն կայուն էներգիայի և էներգախնայողության կարևորությունը՝ ընդգծելով դրանց ազդեցությունը ապագայի և կյանքի որակի բարելավման վրա:
Մասնակցության պայմաններ
Մրցույթին մասնակցելու համար անհրաժեշտ է նկարահանեք շուրջ 60 վայրկյան տևողությամբ կարճ տեսահոլովակ՝ արտահայտելով ստեղծագործական և նորարարական մոտեցումներ։
Ռիլ-ում ներկայացրեք էներգախնայողության և կայուն տեխնոլոգիաների կիրառման կոնկրետ օրինակ ձեր համայնքում կամ տանը, դրա ազդեցությունն, օգուտները ու կարևորությունը։
Ռիլերի պատրատման նպատակն է ցուցադրել էներգախնայողության կարևորությունը և այն օգուտները, որոնք կարելի է ստանալ էներգիայի խելամիտ օգտագործմամբ՝ նվազեցնելով ծախսերը և պահպանելով շրջակա միջավայրը։
Մրցույթին կարող են մասնակցել ինչպես անհատներ, այնպես էլ թիմեր։
Մրցույթի հաղթողը ընտրվելու է Ֆեյսբուքյան քվեարկության՝ like-երի, և ոլորտի մասնագետների գնահատականի համադրմամբ՝ ապահովելով արդար և թափանցիկ ընտրություն։
Մրցույթի շրջանակում կընտրվեն լավագույն ռիլերը հետևյալ անվանակարգերում՝
Համայնքներում Էներգաարդյունավետ լուծումների կիրառման լավագույն պատմություն
- Ռիլ, որը ներկայացնում է էներգաարդյունավետ լուծումների կոնկրետ կիրառություն և ազդեցությունը համայնքի վրա։
Տնային տնտեսություններում Էներգաարդյունավետ լուծումների կիրառման լավագույն պատմություն
- Ռիլ, որը ներկայացնում է էներգաարդյունավետ լուծումների կոնկրետ կիրառություն և ազդեցությունը տնային տնտեսություններում վրա։
Ռիլերը գնահատելիս հաշվի են առնվելու հետևյալ չափորոշիչները
- Նորարարական մոտեցում
- Ստեղծագործական և նորարարական տեխնոլոգիաների կամ մեթոդների ներկայացում
- Էկոլոգիական ազդեցություն
- Էներգախնայողության և էնեգաարդյունավետության լուծումների կիրառմամբ շրջակա միջավայրի վրա թողած դրական ազդեցությունը շեշտադրում
- Թիմային աշխատանք
- Թիմերային համատեղ աշխատանքի հաջողված արդյունքները։
- Դիտումների և հավանումների առաջատար
- Սոցիալական մեդիայի հարթակներում շատ դիտումներ ու հավանումներ
Հայտերի ընդունման վերջնաժամկետ՝ Դեկտեմբերի 18
Դիմելու կարգ
Մրցույթին մասնակցելու համար անհրաժեշտ է․
Լրացնել սույն հղումով հասանելի հայտադիմումը։
Ձեր ստեղծած ռիլը (տեսահոլովակը) ներբեռնեք հայտադիմումի միջոցով կամ ուղարկեք այն compassgyumri@gmail.com էլ. հասցեին։
Ֆայլի ձևաչափը պետք է լինի MP4 կամ MOV, տեսահոլովակի որակը՝ առնվազն 720p։
Հաջողությամբ հայտը ներկայացնելուց հետո Ձեր էլ. հասցեին կստանաք հաստատման նամակ՝ հավելյալ տեղեկություններով։
Հարցերի դեպքում կարող եք կապ հաստատել «Կոմպասս» ՀԿ հանրային կապերի համակարգող Անուշ Խաչատրյանի հետ՝ 093154530 հեռախոսահամարով։
—————————
Դրամաշնորհային ծրագիրն իրականացվում է «ԵՄ-ն հանուն էներգաարդյունավետության և շրջակա միջավայրի» ԵՄ գործողության և Գերմանիայի Դաշնային Հանրապետության տնտեսական համագործակցության և զարգացման նախարարության կողմից պատվիրակված և Գերմանիայի միջազգային համագործակցության ընկերության (ԳՄՀԸ) կողմից իրականացվող «Բնական պաշարների կառավարում և էկոհամակարգային ծառայությունների պահպանություն Հարավային Կովկասում գյուղական տարածքների կայուն զարգացման համար» (ԷԿՈսերվ) գլոբալ ծրագրի շրջանակներում։
