Սևքարի պուրակը սուբվենցիոն ծրագրով արդեն բարեկարգված է

Սևքարի գյուղամիջյան պուրակը հիմնվել է դեռևս 1980-ական թվականներին, երկար տարիներ համարվել է Սևքարի այցեքարտերից մեկը, եղել գյուղի բնակիչների ու հյուրերի սիրելի վայրը, սակայն երբևէ հիմնանորոգման չի ենթարկվել։ 2023 թվականին սուբվենցիոն ծրագրերի շրջանակում մեկնարկել են պուրակի հիմնանորոգման աշխատանքները։

Սուբվենցիոն ծրագրի ընդհանուր արժեքը 89 մլն դրամ է, որից 49 մլն դրամը հատկացրել է Կառավարությունը, մյուս մասը համայնքի ներդրումն է։ Համայնքի ներդրման մեջ 16 մլն դրամի չափով մասնակցություն ունեն նաև արտերկրում բնակվող, բայց իրենց բնօրրանի հոգսերով ապրող սևքարեցի բարերարները։ Իրականացվել է 2230 քմ տարածքի բարեկարգում, 1285 քմ սալիկապատում, շատրվանների համար պոմպակայանի և ֆիլտրացիոն կայանի կառուցում: