Փետրվարի 19-ն Ամենայն Հայոց բանաստեղծ Հովհաննես Թումանյանի ծննդյան օրն է։ Օրվա խորհրդով «Հույսի կամուրջ» ՀԿ նախաձեռնել էր գրական ցերեկույթ՝ նվիրված բանաստեղծի 156-ամյակին։
Թումանյանի լեզուն և մտածողությունը պարզ ու ժողովրդական են: Նա խորությամբ է արտացոլել հայ ժողովրդի հոգեբանությունը, մտքերն ու ձգտումները: Բանաստեղծի ստեղծագործություններում մարմնավորված են հայ ժողովրդի հավաքական իմաստնությունն ու հանճարը, նրա տենչերն ու երազանքները: Գրական ցերեկույթը նաև առիթ էր դպրոցականների շրջանում տեղծագործ-ստեղծարար մտքի զարգացման, թումանյանական ուղերձների փոխանցման համար։
Թումանյանն իր քնարերգության մեջ արծարծել է ժողովրդին հետաքրքրող թեմաները, գրել ու խոսել ժողովրդի լեզվով, ապրել ժողովրդական․ դրա համար է, որ հատկապես այսօր հայ մարդու մտքում ու շուրթերին թումանյանական տողերն են՝
«Ինչքա՜ն ցավ եմ տեսել ես,
Նենգ ու դավ եմ տեսել ես,
Տարել, ներել ու սիրել, –
Վատը` լավ եմ տեսել ես»
