Հայկական հողի շունչն ու ավանդույթների կանչը վարպետ Ռազմիկ Սահակյանի աշխատանքներում են։ Մրգատու ծառերի հազարավոր մանր կտորներից պատրաստված փայտե աշխատանքներից յուրաքանչյուրը մի անձնական պատմություն է՝ ժողովրդի ճակատագրի, ցավի, տոկունության մասին։ Վարպետ Ռազմիկի 15 տարվա աշխատանքները՝ «Հիշողության ձայնը» խորագրով ցուցադրվում են Դիլիջանի երկրագիտական թանգարան պատկերասրահում։
Փայտե աշխատանքներում օգտագործվել են Դիլիջանի անտառների ծառատեսակների փայտեր, և հետևաբար աշխատանքները նաև Դլիջանի բնության արտացոլանքն են:
Պատմելով իր աշխատանքների մասին վարպետ Ռազմիկը հավաստիացնում է՝ դեռ նոր գործեր ունի ներկայացնելու՝ Հաղարծին, Գոշավանք, Ջուխտակ վանք ու խաչապատկերներ․ դրանք Դիլիջանի պատմությունն են։
