ՆԳՆ Փրկարար ծառայության Տավուշի մարզային փրկարարական վարչությունն հունիսի 20-ին անցկացրեց հատուկ տակտիկական ուսումնավարժություն՝ «Որոնողափրկարարական աշխատանքների կազմակերպումը փլուզված շենքերում» թեմայով:
Ըստ սցենարի՝ Գետահովիտ գյուղում հրդեհ էր բռնկվել, փլուզված շենքում կար տուժած, վնասվել էր գազատար խողովակը․ անհրաժեշտ էր փրկարարների օգնությունը։ Ուսումնավարժության նպատակն էր կատարելագործել արձագանքող ուժերի գործնական հմտությունները փրկարարական և անհետաձգելի վթարավերականգնողական աշխատանքների իրականացման ժամանակ:
Ուսումնավարժանքի ամփոփման ընթացքում արձանագրվում է՝ արձագանքող ուժերը կատարեցին իրենց առջև դրված խնդիրները։ Փորձանքը գալուց առաջ լուր չի ուղարկում. ուրեմն հարկավոր է պատրաստ լինել միշտ։
