Երևանի պետական համալսարանի ռեկտոր Հովհաննես Հովհաննիսյանը Տավուշի մարզպետ Հայկ Ղալումյանի հետ դեկտեմբերի 29-ին մասնակցել է ԵՊՀ Իջևանի մասնաճյուղի գիտական խորհրդի ընդլայնված նիստին, որի ժամանակ նշանակալի ավանդի, մեծ վաստակի ու անբասիր աշխատանքի համար ԵՊՀ ոսկե մեդալով է պարգևատրել ԵՊՀ Իջևանի մասնաճյուղի նախկին տնօրեն Անուշավան Մակարյանին։
«Այս պարգևը պարոն Մակարյանի անմնացորդ նվիրվածության, արհեստավարժության, աշխատանքում սահմանած բարձր չափանիշների ու ԵՊՀ ԻՄ զարգացման գործում ունեցած հսկայական ավանդի նկատմամբ ունեցած համալսարանական համայնքի երախտագիտության նշանավորումն է»,-նշել է Հ. Հովհաննիսյանը:
