Տավուշ Մեդիան մեկնարկում է «Երիտասարդ քաղաքացի» ծրագիրը, որի նպատակներն են երիտասարդների քաղաքացիական կրթության և մասնակցության մասին իրազեկվածության բարձրացումը, երիտասարդների և քաղաքացիական հասարակության այլ ներկայացուցիչների միջև երկխոսությունների և քննարկումների համար հարթակի ստեղծումը և մարզում գործող քաղաքացիական հասարակության կազմակերպություններում երիտասարդների մասնակցության աճը։
«Երիտասարդ քաղաքացի» նախագծի շրջանակներում կազմակերպվելու է պանելային քննարկում, որի համար պետք են թեմաներ և մասնակիցներ ընտրվեն։ Շատ կարևոր է, թե ովքեր կմասնակցեն քննարկմանը և ինչ հարցեր կառաջադրեն։
Ցանկանում ենք Ձեզ հետ միասին ճշտել, թե ովքեր կարող են մասնակցել այդ քննարկմանը, ինչ հարցեր են հուզում երիտասարդությանը, և արդյունավետ ու օգտակար քննարկում կազմակերպելու համար, խնդրում ենք լրացնել նշված հարցումը:
Նշվում է երկխոսության ու շփման հարթակ ստեղծելու մասին,դա շատ կարևոր է,քանի որ մեզնից շատերը դուրս գալով մեր փոքր գյուղերից ու քաղաքներից հայտնվում են մեծ շրջապատում և չտիրապետելով հաղորդակցության հմտություններին(փափուկ հմտություններին) կանգնում են խնդրի առաջ։Նման նախաձեռնությունը մեզ հնարավորություն կտա փորձել անկաշկանդ խոսել անծանոթների հետ և ազատ արտահայտել մեր առաջարկները։Այստեղ խոսքը գնաց կրթության և աշխատանքի մասին առաջարկներին ` ինձ թվում է,որ մենք կարող ենք միմյանց լսելով մեզ համար օգտակար ինֆորմացիա վերցնել։Այդ թեմաներն առավել արդի են մեր ժամանակներում,քանի որ մենք `բոլորս ստեղծված արտաքին և ներքին գործոնների պատճառով գտնվում ենք անորոշության մեջ և սա շատ լավ առիթ է ստանալ մեզ հուզող հարցերի պատասխաները,որից հետո ստացված խորհուրդների շնորհիվ կարող ենք մեր անորոշությունից ելք գտնել։
Չգիտեմ կընտրվեմ,որպես մասնակից թե ոչ,բայց ամեն դեպքում ուզում եմ շնորհակալություն հայտնել այս նախաձեռնության համար😊։