«Երիտասարդները՝ ԸՆԴԴԵՄ ԿՈՌՈՒՊՑԻԱՅԻ» ծրագրի շրջանակներում «Հանուն հավասար իրավունքների» կրթական կենտրոն ՀԿ-ն հայտարարում է կարողությունների զարգացման դասընթաց Տավուշի մարզի 18-25 տարեկան երիտասարդների համար։
Դասընթացն այլընտրանքային հարթակ է ոչ միայն կոռուպցիայի, դրա տեսակների, դրսևորումների, հետևանքների մասին գիտելիքներ ստանալու, այլ նաև հնարավորություն ծանոթանալու ՀՀ-ում հակակոռուպցիոն քաղաքականության, դրանից բխող գործողությունների, միջոցառումների ընթացքին և արդյունքներին։
Ոլորտում տարիների փորձ ունեցող մասնագետների հետ կստանաք գիտելիքներ եւ գործնական հմտություններ հետեւյալ ուղղություններով․
- Կոռուպցիայի էությունը, տեսակները և դրսևորումները,
- Պետական եւ համայնքային բյուջեների վերահսկման մեխանիզմներ,
- Պետական գնումների վերահսկման գործիքներ,
- Պաշտոնատար անձանց հայտարարագրեր,
- Բաց աղբյուրներից օգտվելու, մոնիթորինգի գործիքներ,
- Կոռուպցիայի ազդարարման համակարգ,
Ընտրական գործընթացներում կոռուպցիայի վերահսկում, կուսակցությունների ֆինանսավորում։
Դասընթացը տեղի է ունենալու սեպտեմբերի 13-15-ը Դիլիջան քաղաքում։ Կազմակերպությունը հոգալու է կեցության բոլոր ծախսերը։
Դասընթացին միանալու համար անհրաժեշտ է լրացնել այս հայտադիմումը մինչև սեպտեմբերի 7-ը։ Մասնակիցների ընտրությունը կատարվելու է մրցութային կարգով։
«Երիտասարդները՝ ընդդեմ կոռուպցիայի» ծրագիրն իրականացվում է «Հայաստան Բարեվարքություն» Ծրագրի շրջանակներում՝ Ամերիկայի ժողովրդի առատաձեռն աջակցությամբ՝ ԱՄՆ Միջազգային զարգացման գործակալության (ԱՄՆ ՄԶԳ) միջոցով:
