Երիտասարդական ֆորում՝ Իջևանում․ «Քաղաքացիական երիտասարդական կենտրոն» համայնքային զարգացման ՀԿ-ը երիտասարդությանն առնչվող խնդիրների և դրանց լուծման ուղիների քննարկման նպատակով մեկ հարթակում՝ Իջևանի երիտասարդական կենտրոնում էր համախմբել երիտասարդական ոլորտի զարգացմամբ հետաքրքրված անձանց՝ հանրային, պետական, տեղական ինքնակառավարման, կրթական, քաղհասարակական ոլորտներից։
Ֆորումն իր մեջ ներառում էր պանելային քննարկումներ, որոնց ընթացքում անդրադարձ կատարվեց մի շարք կարևոր հարցերի։ Առաջին պանելային քննարկման թեման երիտասարդական ոլորտի զարգացումն էր՝ երկրի սոցիալ-տնտեսական և քաղաքական մարտահրավերների համատեքստում։ Ներկայացված մտքերով, մասնակիցները փաստեցին, որ երիտասարդների առջև ծառացածխնդիրները բազմազան են և բազմաբնույթ, իսկ լուծումները պահանջում են համակարգային մոտեցում։
Հաջորդ քննարկմանը ֆորումի խոսնակներն անդրադառնալով Տեղական ինքնակառավարմանը երիտասարդների մասնակցության որակին, մասնակիցների հետ քննարկեցին, թե ինչպես է հնարավոր բարելավել երիտասարդների ներգրավվածությունը տեղական ինքնակառավարմանը՝ ակտիվ մասնակից դարձնելով նրանց համայնքային գործընթացներում։
Երիտասարդական ֆորումի բովանդակային քննարկումները կրկին ընդգծում են՝ երիտասարդների խնդիրները պահանջում են համատեղ ջանքեր և համակարգային մոտեցումներ՝ ապահովելով նրանց ակտիվ մասնակցությունը համայնքային կյանքում ու գործընթացներում։
