Գեղարքունիքի մարզի Ազատ գյուղի N զորամասում հրդեհի հետեւանքով մահացած Գոռ Մարտիրոսյանը Տավուշի մարզի Դիլիջան քաղաքից էր:
Դիլիջան քաղաքի Գետափնյա 88 շենքի բնակիչ, 2003թ․ ծնված Գոռ Դավթի Մարտիրոսյանը մեկ տարվա զինծառայող էր։ Գոռը սովորել է Դիլիջանի թիվ 2 դպրոցում: Լրագրող Ոսկան Սարգսյանը ֆեյսբուքյան իր էջում գրում է, որ նա օրինակելի անձնավորություն էր, բարի, համեստ, լավ սովորող, դաստիարակված, կազմակերպված, հարգված ու սիրված էր։
Գոռի հայրը շինարար է, մայրն աշխատում է թխվածիքի արտադրամասում, Գոռը քույրիկ ունի։
