Դիլիջան համայնքում ՏԻՄ ընտրություններին մասնակցող «Ապրելու երկիր» կուսակցությունն իր նախընտրական ծրագրում առանձնացրել է համայնքի բնակիչների առջև ծառացած մի շարք առաջնահերթ խնդիրները։ Կուսակցության ընտրական ցուցակի առաջին համարը Վարդան Ավագյանն է։ Նախընտրական ծրագրում ամրագրված 23 կետերը, որոնք ներկայացվել են դիլիջանցիներին, այն հարցերն են, որոնց լուծումը կարևոր է համայնքի հետագա զարգացման համար։
Դիլիջանում դեռևս լուծման կարիք ունեն ջրամատակարարման, տրանսպորտի, աղբահանության, թափառող կենդանիների խնդիրները։ Վարդան Ավագյանի դիտարկմամբ՝ Ապրելու երկրի թիմն ունի այդ խնդիրները լուծելու համար անհրաժեշտ կառավարման փորձն ու համապատասխան մասնագիտական ներուժը։
Հոկտեմբերի 25-ի ընտրությունները վճռորոշ կլինեն համայնքի կառավարման առաջիկա փուլում։ Դիլիջանի բնակիչները հնարավորություն կունենան իրենց քվեով արտահայտելու դիրքորոշումը համայնքի զարգացման տեսլականի, առաջնահերթ խնդիրների և դրանց լուծման առաջարկվող մոտեցումների վերաբերյալ։
