Հիշո՞ւմ եք․ խոստացել էինք մեկ անգամ էլ այցելել Ֆլորենցիա․ խոստումն ի կատար ածելու ժամանակն է։
Մեր հայրենակից Ասպրամ Սարատիկյանի հետ հաղթահարում ենք բոլոր խոչընդոտները՝ Ֆլորենցիայի մայր տաճարը՝ Սանտա Մարիա դել Ֆիորեն տեսնելու, գմբեթից բացվող չքնաղ տեսարանով հիանալու համար, ապա նաև այցելում ենք Միքելանջելոյի «Դավիթ»-ին։
Ֆլորենցիան նման է գաղտնիքներով ու զարդերով լի փոքրիկ սնդուկի, որն անընդհատ փորձում ես բացահայտել, բայց որքան խորանում, այնքան ավելի ես մխրճվում անհատակ գեղեցկության ու դարերի շքեղության մեջ։ Ֆլորենցիան մի վայր է, որի գաղտնիքը ոչ ոք չգիտի, և հենց դա էլ ամեն անգամ նորից վերադարձնում է այս քաղաք․․․
