Սահմանամերձ Այգեձոր գյուղում տեղի ունեցավ ավանդական Նոր տարվան նվիրված մշակութային միջոցառում, որը միավորեց համայնքի տարբեր տարիքի բնակիչներին՝ ազգային արժեքների և ավանդույթների շուրջ։
Միջոցառման ընթացքում ներկաները միասին զարդարեցին ավանդական Կաղանդի ծառը, որը խորհրդանշում է բարեկեցություն, նոր սկիզբ և ընտանեկան օջախի ջերմություն։ Մասնակիցները հնարավորություն ունեցան նաև համտեսելու ավանդական տարեհացը՝ որպես առատության և բարության խորհրդանիշ։
Տոնը ուղեկցվեց հայկական ժողովրդական երգերով ու պարերով․ շուրջպարերը, ազգային խաղերն ու համատեղ երգեցողությունը ստեղծեցին ուրախ և միավորող մթնոլորտ։
Ավելին՝ Տավուշ Մեդիայի թղթակից Անահիտ Մակյանի տեսանյութում։
