Հոկտեմբերի 5-ին Դիլիջանը տոնելու է իր 480-ամյակը:
Դիլիջանի համայնքապետարանի նախաձեռնությամբ տեղի կունենա շքեղ տոնական երեկո, որի շրջանակներում ժամը 16:00-ից կենտրոնական հրապարակում ելույթ կունենան`
- Իվետա Մուկուչյանը,
- Kami Friends խումբը,
- Սևակ Ամրոյանը,
- Վանաձորի պետական կամերային նվագախումբը,
- Բերդ պարային անսամբլը,
- Դի-Ջեյը,
միջոցառման ավարտին կլինի նաև հրավառություն:
Բացի այդ, կենտրոնական հրապարակում կտեղադրվեն Դիլիջանի հետ «Քույր քաղաքներ» հուշագրի մասնակից երկրների տաղավարները, ազգային փոքրամասնությունների ներկայացուցչական տաղավարներ, ինչպես նաև դիլիջանցի փոքր ու միջին ձեռներեցների արտադրանքի ցուցահանդես-վաճառք։
Հոկտեմբերի 5-ին արի՛ Դիլիջան՝ դառնալու այս յուրահատուկ տոնի մասնակիցը:
Հոկտեմբերի 5-ին կայանալիք «Դիլիջան 480» տոնակատարություններին ընդառաջ, հոկտեմբերի 2-ից կսկսվեն Դիլիջան քաղաքի կենտրոնական հրապարակում՝ Մյասնիկյան 53 հասցեի հետիոտնային անցման մոտ, համերգային բեմի տեղադրման աշխատանքները: Այս մասին հայտնում են Դիլիջանի համայնքապետարանից:
Տրանսպորտային միջոցների երթևեկությունը կազմակերպելու համար առաջարկում ենք օգտվել Մյասնիկյան-Կոմիսարներ այլընտրանքային ճանապարհից, որը անցնում է Մյասնիկյան 53 շենքի ետնամասով։
