«Կրթության դերը երիտասարդությանը պաշտպանելու և զորացնելու գործում՝ հանուն աղետներից զերծ ապագայի» 13 հոկտեմբերի, 2024թ. Երբ աղետներ են տեղի ունենում, դրանք հսկայական ավերածություններ են պատճառում անհատներին, հասարակություններին և տնտեսություններին։ Մահվան, ավերման և տեղահանության ալիքային ազդեցություններն անպատկերացնելի են։
Այսօր աղետները հաճախ գերլիցքավորված են կլիմայական ճգնաժամով՝ մեծացնելով դրանց հաճախականությունն ու ուժգնությունը։ Ոչ ոք ապահով չէ, սակայն երեխաները հատկապես խոցելի են։ Վերջին տարիներին աշխարհում ավերիչ ջրհեղեղներից տուժած երեխաների թիվը հասել է վերջին երեք տասնամյակի ամենաբարձր մակարդակին։ Աղետի հետևանքով երեխաները բախվում են լուրջ հետևանքների, այդ թվում՝ կրթության, սնուցման և առողջապահության խաթարման։ Սակայն երեխաներն ավելին են, քան աղետների զոհեր։ Նրանք մեծ շահ ունեն ապագայում, և նրանց գաղափարներն ու նորարարությունները կարող են օգնել նվազեցնել ռիսկերը և ամրապնդել դիմակայունությունը։
Ինչպես հիշեցնում է մեզ Աղետների ռիսկի նվազեցման միջազգային օրը, կրթությունը առանցքային է ոչ միայն երեխաներին պաշտպանելու, այլև նրանց հնարավորություն տալու մասնակցել բոլորի համար ռիսկերը նվազեցնելու որոշումների կայացմանը։ Բոլոր երկրները կարող են քայլեր ձեռնարկել երեխաների ռիսկերը նվազեցնելու ուղղությամբ՝ ապահովելով բազմաթիվ վտանգների վաղ նախազգուշացման համակարգերի համընդհանուր ծածկույթը, կառուցելով և վերակառուցելով աղետներին դիմակայուն դպրոցներ, միանալով Դպրոցական անվտանգության համապարփակ շրջանակին և երիտասարդներին տրամադրելով տարածք ու գործիքներ՝ դառնալու դիմակայունության չեմպիոններ։
Աղետների ռիսկի նվազեցման այս միջազգային օրը և ամեն օր մենք պարտավոր ենք ապագա սերունդների համար ձևավորել ավելի ապահով, ավելի դիմակայուն վաղվա օր։
