Հոկտեմբերի 22-ին Իջևանում կմեկնարկի «Հակամարտության լրագրության դրվագներ» ցուցահանդեսը։
Այն Մեդիա նախաձեռնությունների կենտրոնի «Լրատուն» մեդիա թանգարանի հինգերորդ նախագիծն է ու ներկայացնում է վերջին 30 տարիների ընթացքում հայկական մեդիայի աշխատանքը Ղարաբաղյան հակամարտության լուսաբանման գործում։
Արխիվային տեսանյութերը, տպագիր մամուլի օրինակները, ռադիոհաղորդումները, լուսանկարներն ու հոդվածները, վերլուծությունները, վավերագրական ֆիլմերն ու մուլտիմեդիա նախագծերը հասանելի կլինեն թանգարանի հպէկրաններին։
Ցուցադրության բացումը տեղի կունենա Լոֆթ Իջևանում (Հասցե՝ Ա. Մելիքբեկյան 4)։
Այն բաց կլինի հոկտեմբերի 22-31-ը, ամեն օր՝ ժամը 11:00-18:00-ը:
