Հայաստանի 15 համայնքներում մեկնարկում են «Երիտասարդական քաղաքականության լաբորատորիաները», որոնք կմիավորեն երիտասարդներին և համայնքային որոշում կայացնողներին՝ քննարկելու իրենց համայնքների առջև ծառացած խնդիրները և համատեղ մշակելու դրանց լուծման ուղիները։
Ծրագիրը նախատեսված է 16-30 տարեկան երիտասարդների համար, ովքեր ցանկանում են նպաստել իրենց համայնքի զարգացմանը և ներգրավվել տեղական որոշումների կայացման գործընթացներում։
Լաբորատորիայի 4 ամիսների ընթացքում երիտասարդները հնարավորություն կունենան մասնակցելու համայնքային որոշումների կայացմանն ու տեղական քաղաքականությունների մշակմանը, ուսումնասիրելու իրենց հուզող համայնքային խնդիրները և դրանց առնչվող տեղական քաղաքականությունները, երկխոսելու և համագործակցելու ՏԻՄ-երում որոշումներ կայացնողների հետ՝ առաջարկելով նորարարական ու հետաքրքիր լուծումներ։
Մանրամասներին ծանոթանալու և մասնակցության հայտը լրացնելու համար սեղմեք այստեղ։
Հարցերի դեպքում կարող եք գրել info@you-armenia.org հասցեին։
Տավուշի մարզում ծրագիրն անցկացվելու են Դիլիջան և Բերդ համայնքներում։
Երիտասարդական քաղաքականության լաբորատորիաներն իրականացվում են «Հայաստանի երիտասարդական կազմակերպությունների միություն» ՀԿ-ի կողմից՝ Գերմանիայի կառավարության և Եվրոպական միության ֆինանսական աջակցությամբ GIZ-ի կողմից իրականացվող «Քաղաքացիական հասարակության հզորացում Արևելյան գործընկերության երկրներում» ծրագրի ներքո գործող «ԵՄ-ն հանուն երիտասարդների. Երիտասարդների ներգրավում և հզորացում» ծրագրի շրջանակում։