Հայոց ցեղասպանության 110-րդ տարելիցի կապակցությամբ ապրիլի 24-ին Տավուշի մարզկենտրոն Իջևանում մարդկանց բազմությունը լուռ քայլերթով շարժվեց Հայոց Ցեղասպանության հուշակոթող՝ ի հիշատակ և ոգեկոչում մեր զոհերի։
Քայլերթին համընթաց ընթանում էր Սուրբ Պատարագը՝ Ցեղասպանության նահատակներին նվիրված բաց խորանում։
Երթի մասնակիցները հավատացած են` յուրաքանչյուրիս պարտքն է ոգեկոչել Հայոց Ցեղասպանության մեկ ու կես միլիոն անմեղ զոհերի հիշատակը:
