Երիտասարդների մասնակցությամբ ու նրանց համար Նոյեմբերյանի համայնքապետարանի նախաձեռնությամբ իրականացավ երիտասարդական գաղափարների մրցույթը, որ կրում էր «Միացիր մեզ․ միասին լուծենք համայնքային խնդիրը» խորագիրը։ Երիտասարդության միջազգային օրվա առթիվ Նոյեմբերյանի գեղատեսիլ սարերում՝ Կողբի Գեղարվեստի դպրոցի պլեներում օգոստոսի 14-ին անցկացվեց երիտասարդական հանդիպումը։
Երիտասարդական գաղափարների մրցույթին մասնակցում էին Նոյեմբերյանի քաղաքային ու գյուղական բնակավայրերի ակտիվ երիտասարդները՝ թիմային ձևաչափով։ Երիտասարդները իրենց կողմից դիտարկվող խնդիրները քննարկման վերջում ներկայացնելու էին Նոյեմբերյան համայնքի ղեկավարին։
Երիտասարսները քաջատեղյակ լինելով իրենց գյուղում առկա հիմնախնդիրներին բարձաձայնում էին կարևորագույն խնդիրները, որոնք ըստ իրենց՝ առաջնահերթ նշանակություն ունեն գյուղերի զարգացման, երիտասարդների զորեղացման համար։
Երիտասարդների շարունակական հզորացմանը նպաստելու, նրանց որոշումների կայացման գործընթացում և համայնքի կյանքում ներգրավելու նպատակով Նոյեմբերյանի համայնքապետարանը հաճախ է անցկացնելու նմանօրինակ հանդիպումներ՝ նաև երիտասարդների միջոցով համայնքային խնդիրներին լուծումներ տալու համար։
