Տավուշի մարզի Նոյեմբերյան համայնքում բացվել է «Լոֆթ Նոյեմբերյան» երիտասարդական կենտրոնը:
Կենտրոնի բացմանը ներկա են եղել ԿԳՄՍ նախարարը, նախարարության, ՏԻՄ և քաղաքացիական հասարակության ներկայացուցիչներ, համայնքի երիտասարդներ։
Ներկաները շրջել են երիտասարդական կենտրոնում, ծանոթացել ստեղծված պայմաններին․ ներկայացվել են 2026 թվականին նախատեսված միջոցառումների ծրագրերը։
«Լոֆթ Նոյեմբերյան» կենտրոնի գործունեությունն ուղղված է համայնքի 13-35 տարեկան երիտասարդների ստեղծագործ ներուժի բացահայտմանը, կարողունակությունների և ակտիվ քաղաքացիության զարգացմանը, ինտելեկտուալ ժամանցի կազմակերպմանը, առկա հնարավորությունների վերաբերյալ իրազեկվածության բարձրացմանը:
Տավուշի մարզում սա 3-րդ երիտասարդական կենտրոնն է․ նման կենտրոններ գործում են նաև Իջևան և Դիլիջան քաղաքներում։
