«Նվիրի՛ր հույս» բարեգործական նախաձեռնություն Իջևանում

«Հույսի կամուրջ» ՀԿ-ն նախաձեռնել է բարեգործական նախագիծ, որը կնպաստի Իջևան համայնքի 90 հաշմանդամություն ունեցող երեխաների կյանքի որակի բարելավմանը։ Ապրիլի 13-ին, ժամը 15:30-ին, Իջևանի մշակույթի տանը տեղի կունենա «ARM STUDIO»-ի բեմադրած «Տուր ձեռքդ» բարեգործական թատերական ներկայացումը, որով միացել են «Նվիրի՛ր հույս» նախաձեռնությանը։ Ներկայացման ողջ հասույթը կուղղվի «Հույսի կամուրջ» ՀԿ-ի Իջևանի մասնաճյուղին՝ 90 հաշմանդամություն ունեցող երեխաների վերականգնողական ծառայությունների ապահովման համար։

Տոմսերի արժեքը 1 000 դրամ է, իսկ եթե չեք կարող ներկա լինել, կարող եք նաև նվիրաբերել մեկ տոմս՝ այն երեխաներին, ովքեր չունեն այդ հնարավորությունը։

Տոմսերի համար զանգահարել «Հույսի կամուրջ» ՀԿ
+37477 41 85 37
+37494 21 25 94