Հուլիսի 1-ին Տավուշի մարզում մեկնարկեց 2026 թվականի ամառային զորակոչը։ Ավանդույթի համաձայն՝ այս օրը զինկոմիսարիատի բակը կրկին լցվեց հուզիչ պահերով․ հպարտություն, անհանգստություն, հավատ և բարեմաղթանքներ էին ուղեկցում ծառայության մեկնող երիտասարդներին։
Զորակոչիկները, գիտակցելով իրենց պատասխանատվությունը, պատրաստակամությամբ համալրեցին զինված ուժերի շարքերը՝ սկսելով կյանքի նոր ու կարևոր փուլը՝ հայրենիքի պաշտպանությունը։
Նրանց ճանապարհելու էին եկել ծնողները, հարազատները, ընկերներն ու բազմաթիվ քաղաքացիներ՝ իրենց լավագույն մաղթանքներն ուղղելով ապագա զինվորներին։ Բոլորի ցանկությունը մեկն է՝ խաղաղ, անվտանգ և արժանապատիվ ծառայություն, ամուր առողջություն և բարի վերադարձ հայրենի տուն։
