«Ուսանողի տունը» արդեն 4 տարի է իր հյուրընկալ դռներն է բացում մարզաբնակ ուսանողների համար, ովքեր գալիս են Երևան ուսանելու։ Այս տարիների ընթացքում ունեցել ենք շուրջ 70 շրջանավարտներ, ովքեր բնակվել են ուսանողի տանը, զուգահեռ ստացել ոչ ֆորմալ կրթություն և նպաստել իրենց համայնքի զարգացմանը։
Շարունակելով էլ ավելի մեծ եռանդով և փորձով իրականացնել ծրագրեր և շարժվելով առաջ Ուսանողի տունը հայտարարում է 2024-2025 ուս․ տարվա ընդունելություն։
Սիրելի´ մարզաբնակ ուսանողներ, ընդունվելով «Ուսանողի Տուն» դուք հնարավորություն կստանաք՝
– բնակվել հարմարվետ ու տեխնիկապես հագեցած տանը,
– բուհին զուգահեռ ստանալ
– ոչ ֆորմալ կրթություն
– փորձի փոխանակումներ
– մասնակցել սեմինարների
– այցելել տարբեր կազմակերպություններ
– արշավել՝ բացահայտելով Հայաստանը
– իրականացնել համայնքային ակտիվացման ծրագրեր
– նպաստել սեփական համայնքի ակտիվացմանը,
– ձեռք բերել որակյալ կապեր և ընկերներ։
Այսպիսով եթե Դուք՝
– մարզից եք (60 կմ և ավելի հեռավորության վրա գտնվող) և սովորում եք Երևանի որևէ բուհի կամ քոլեջի 1-ին/2-րդ կուրսում,
– համոզված եք՝ առանց ուժեղ մարզերի չկա ապահով Հայաստան և ցանկանում եք այդ հարցում ունենալ Ձեր ներդրումը,
– նախաձեռնող եք և ունեք կազմակերպչական հմտություններ,
– պատրաստ եք կրթվել և ստացած գիտելիքներն օգտագործել համայնքի ակտիվացման համար։
«Ուսանողի տան» անդամ դառնալու համար հարկավոր է լրացնել հայտադիմումը:
