Հուլիսի 2-ին տեղի ունեցավ ԵՊՀ ԻՄ 2024-2025 ուսումնական տարվա շրջանավարտների ավարտական հանդիսավոր միջոցառումը: Տոնական միջոցառումը մեկնարկեց Հայաստանի Հանրապետության օրհներգով:
Այս տարի ԵՊՀ Իջևանի մասնաճյուղը դեպի մեծ կյանք էր ճանապարհում 249՝ բակալավրիատի 240 (առկա ուսուցմամբ՝ 154, հեռակա ուսուցմամբ՝ 86) և մագիստրատուրայի (հեռակա ուսուցմամբ) 9 շրջանավարտների, որոնց պատվին կազմակերպվել էր տոնական միջոցառում՝ դիպլոմների հանձնման հանդիսավոր արարողություն։
Միջոցառմանը ներկա էին մասնաճյուղի վարչական և պրոֆեսորադասախոսական անձնակազմի անդամներ, ուսանողներ, շրջանավարտներ, ծնողներ, հյուրեր: Վերջիններս շնորհավորեցին շրջանավարտներին՝ կարևորելով նրանց կրթական ճանապարհը, ձեռքբերումները և համալսարանական տարիներին կերտած արժեքները։
Միջոցառման առաջին մասում տեղի ունեցավ շրջանավարտների դիպլոմների հանձնման հանդիսավոր արարողությունը՝ 249 շրջանավարտներ ստցան իրենց դիպլոմները: Շնորհակալություն հայտնելով պրոֆեսորադասախոսական անձնակազմին շրջանավարտները խոստացան բարձր պահել ԵՊՀ Իջևանի մասնաճյուղի անունն իրենց ապագա աշխատանքային գործունեության մեջ։
ԵՊՀ Իջևանի մասնաճյուղը շարունակում է իր առաքելությունը՝ պատրաստելով որակյալ մասնագետներ Տավուշի մարզի և ամբողջ Հայաստանի համար։
