Օրեր առաջ ԵՊՀ Իջևանի մասնաճյուղը հյուրընկալեց ԱՏՁՄ-Union of Advanced Technology Enterprises-UATE-ի «ԴիջիԿոդ» կիրառական ծրագրավորման պատանեկան ամենամյա՝ արդեն 7-րդ մրցույթը։
Մրցույթի հիմնական նպատակն է խրախուսել և զարգացնել դպրոցականների ալգորիթմական մտածողությունը, աշակերտներին խաղ սպառողից վերածել խաղ ստեղծողի, բացահայտել տաղանդավոր պատանիներին և հնարավորություն տալ զարգացնել ստեղծագործական ունակությունները, բացահայտել ակտիվություն ցուցաբերած դպրոցներին և անհատներին:
«Բոլորս լսել ենք «Արմաթ» լաբորատորիաների մասին, բայց դա ոչ միայն ուղղակի կրթական ծրագիր է, որը վերաբերվում է 10-18 տարեկան աշակերտներին, այլ տեխնոլոգիական կրթության արժեշղթա, որն սկսում է 10 տարեկանից և շարունակվում է մինչև համալսարան, կամ մինչև այն ժամանակ, երբ երեխան արդեն մեծանում է, ստեղծում իր բիզնեսը կամ մտնում որևէ ԲՏ աշխատելու։ Եվ հենց այդ արժեշղթայի մեջ կարևոր տեղ են զբաղեցնում մեր մրցույթները, ճամբարները, ցուցահանդեսները»։
