Դիլիջան համայնքում հոկտեմբերի 25-ին տեղի ունեցած ՏԻՄ ընտրությունների քվեարկության արդյունքներն ամփոփվել են։ Կենտրոնական ընտրական հանձնաժողովի հրապարակած նախնական տվյալների համաձայն՝ ընտրություններին մասնակցել է 6 հազար 384 քաղաքացի։
Նախնական տվյալների համաձայն՝ «Քաղաքացիական պայմանագիր» կուսակցությունը ստացել է 4 հազար 822 ձայն՝ ընդհանուրի 76,27 տոկոսը։ Կուսակցության ընտրական ցուցակը գլխավորում էր Դավիթ Սարգսյանը։ «Ապրելու երկիր» կուսակցությունը ստացել է 1 027 ձայն՝ 16,24 տոկոս։ Կուսակցության ընտրական ցուցակի առաջին համարը Վարդան Ավագյանն էր։ Իսկ «Հանրապետություն» կուսակցությունը ստացել է 471 ձայն՝ 7,45 տոկոս։ Կուսակցության ընտրական ցուցակը գլխավորում էր Նունե Սանթրոսյանը։
Դիլիջան համայնքում ավագանու մանդատների բաշխումը կիրականացվի ընտրությունների վերջնական արդյունքների հաստատումից հետո՝ օրենքով սահմանված կարգով։
