Հայկական Կարմիր Խաչի ընկերություն Տավուշի մ/ճ ՀԿ

Կոնտակտներ

ք․ Իջևան, փողոց Բլբուլյան 94

Ընդունարան՝+37426342080

Էլ. փոստ – tavushrb@redcross.am

Նախագահ- Շամիր Օրդինյան

Կառույցի առաքելությունն` նվազեցնել ազգաբնակչության խոցելիությունը մարդասիրության ուժի մոբիլիզացմամբ: Նախապատրաստվել դիմակայելու այն իրավիճակներին, որոնք կարող են ազգաբնակչության խոցելիության պատճառ դառնալ: Ցուցաբերել անհրաժեշտ օգնություն` սատարելով սոցիալ-տնտեսական ծանր պայմաններում գտնվող մարդկանց:

Կազմակերպության հիմնական նպատակն է`կանխարգելել և թեթևացնել մարդկային տառապանքները` անկախ ազգությունից, ռասսայական, սեռային, դասակարգային պատկանելությունից, կրոնական և քաղաքական հայացքներից:

Հայկական Կարմիր խաչի ընկերությունը, հետևելով իր մարդասիրական առաքելությանը, ձգտում է մշտապես լինել ամենախոցելիների կողքին՝ հնարավորինս բավարարելու նրանց մարդասիրական կարիքներն ու մեղմելու տառապանքները։

Տավուշի մարզում ՀԿԽԸ-ն աջակցում է․

• միայնակ, առավել խոցելի տարեցներին
• երեխաներին ու երիտասարդներին
• խոցելի համայնքների բնակչությանը
• անապահով ընտանիքներին
• տուբերկուլյոզով հիվանդներին
• Քովիդ-19 համավարակի ժամանակ մեկուսացվածներ
• Ղարաբաղյան հակամարտության սրացման հետևանքով տեղահանվածներին
• Սննդի աջակցություն միայնակ տարեցներին
• Սոցիալ – հոգեբանական աջակցություն Ղարաբաղյան հակամարտության 1992-1994թթ․ սրացման հետևանքով անհայտ կորածների ընտանիքներին անհայտ կորածների ընտանիքներին
• Սոցիալ-հոգեբանական աջակցություն երեխաներին
• Մարդասիրական արժեքների տարածում
• Աղետների կառավարում և արձագանքում
• Պաշտպանություն
• Դիմակայունության կենտրոն
• Փախստականների պաշտպանություն և տնտեսական ինտեգրում
• Արտակարգ իրավիճակներում առողջապահական խնդիրների նկատմամբ տեղական համայնքների դիմակայունության բարձրացում Հարավային Կովկասում
• Հակամարտության արդյունքում տուժած անձանց սոցիալ-հոգեբանական աջակցություն
• Արձագանք Քովիդ -19 համավարակին

Ընթացիկ ծրագրեր

• Սոցիալ-հոգեբանական աջակցություն երեխաներին և միայնակ փախստական ծերերին

  Ծրագիրն ուղղված է հանրակացարանաբնակ  միայնակ փախստական ծերերի և երեխաների սոցիալական ներգրավվածությանը, հասարակության ինտեգրմանը  և տնային պայմանների բարելավմանը:

• Դիմակայունություն Covid -19-ին Հայաստանում ու Վրաստանում և արձագանք Լեռնային Ղարաբաղի հակամարտությանը

  Սննդի և ոչ պարենային ապրանքների խիստ կարիք ունեցող ընտանիքները ազգային ընկերության ԿոՆաԿա ծրագրի առաջնային թիրախներից են: Աղետների հետևանքների աջակցման բաղադրիչի շրջանակներում ՀԿԽԸ-ն նպատակ ունի՝ ըստ խոցելիության խմբերի գնահատված և ընտրված շահառուներին տրամադրել վարձակալության սուբսիդիաներ։ Սոցիալ-հոգեբանական աջակցության բաղադրիչի շրջանակներում ՀԿԽԸ-ին դիմած ընտանիքները կստանան սոցիալ-հոգեբանական աջակցություն:

• Սատարում անհայտ կորածների ընտանիքներին

  «Մանրամասն Տվյալների Հավաքագրում» ծրագրի իրականացման ընթացքում առավել ակնհայտ դարձան անհայտ կորած հարազատ ունենալու սոցիալ-հոգեբանական ծանր հետևանքները: Դա հիմք ընդունելով՝ ԿԽՄԿ-ն և ՀԿԽԸ-ն ձեռնարկեցին «Աջակցություն անհայտ կորածների ընտանիքներին» ծրագիրը, Կարմիր խաչի միջազգային կոմիտեի ֆինանսավորմամբ, որի նպատակն է ուժեղացնել Որոնում ծառայության պատրաստվածությունը՝ հասկանալու և հոգալու ընտանիքների կարիքները:

• Գրացիա միջազգային վերականգնողական կենտրոն

  «Գրացիա» միջազգային վերականգնողական կենտրոնում իրականացվում է ողնուղեղի, ողնաշարի, հենաշարժական ապարատի հիվանդությունների բուժում, ընդհանուր և հետվնասվածքային վերականգնում, հիվանդների մասնագիտական ուսուցում, սոցիալ-հոգեբանական վերականգնում, սանատոր-կուրորտային բուժումը:

• Ռիսկերի իրազեկում և անվտանգ վարքագիծ 2023թ.

  Ծրագրի նպատակն է սահմանամերձ թիրախային համայնքների բնակչությանը սովորեցնել անվտանգ վարքագիծ դրսևորելու կանոնները՝ ականներ, պատերազմի պայթուցիկ մնացորդներ տեսնելիս, կամ գնդակոծության և հրետակոծության ժամանակ:

• Համաճարակների և կոնֆլիկտների ժամանակ արձագանքողների հոգեկան առողջության և հոգեսոցիալական աջակցության վերաբերյալ գիտելիքների և համագործակցության ամրապնդում

  Ծրագիրը կենտրոնացած է առցանց գրադարանի միջոցով գիտելիքների կայուն փոխանակման վրա և կարողությունների և հմտությունների ամրապնդման վրա՝ իրականացնելով հոգեկան առողջության և հոգեսոցիալական աջակցության վերաբերյալ դասընթացներ բոլոր գործընկեր երկրներում: