Հունիսի 1-ին` երեխաների իրավունքների պաշտապանության միջազգային օրվա առթիվ Իջևան խոշորացված համայնքի մեծերին ու փոքրերին շնորհավորելու էր եկել «Հույսի կամուրջ» ՀԿ մանկապատանեկան թատերախումբը: Իջևանի մշակույթի տանը ներկայացվեց Դ. Դեմիրճյանի «Քաջ Նազար» պատմվածքը:
Թատերական ներկայացման հանդիսատեսը «Հույսի կամուրջ» ՀԿ Իջևանի երեխայի զարգացման և սոցիալական ներառման կենտրոնի երեխաներն ու նրանց ծնողներն էին, հանրակրթական դպրոցների աշակերտներ, ուսուցիչներ, համայնքի բնակիչներ:
Թատերախմբի ղեկավար Հասմիկ Խաչերյանը նշում է․ «Բեմում ելույթ են ունենում հաշմանդամություն ունեցող և չունեցող երեխաները միասին։ Սա առաջնահերթ բեմ բարձրացող երեխաների համար է մեծ օգուտ, իսկ հանդիսատեսի համար՝ ևս մեկ անգամ ապացույց, որ հաշմանդամություն ունեցող մարդիկ կարող են ամեն ինչ, ուղղակի պետք է իրենց համար հավասար պայմաններ ստեղծել»։
