ՀՀ Պետական եկամուտների կոմիտեի (ՊԵԿ) «Ուսումնական կենտրոն» ՊՈԱԿ-ը հրավիրում է իրազեկման հանդիպման, որը կկայանա Իջևանում։ Հանդիպման նպատակն է քաղաքացիներին ներկայացնել հայտարարագրի լրացման ընթացակարգերը և պարզաբանել գործընթացի բոլոր մանրամասները։
ՀՀ ՊԵԿ մասնագետները մանրամասն կանդրադառնան հայտարարագրի լրացման քայլերին, ընթացակարգերին և կպարզաբանեն առկա հարցերը։ Հանդիպման ընթացքում մասնակիցները հնարավորություն կունենան տեղում ստանալու մասնագիտական խորհրդատվություն:
Հանդիպման օրը և ժամը՝ փետրվարի 12, ժամը 12:00
Վայրը՝ Իջևան, Անկախության փ. 1/46, Վերնատուն պատկերասրահ
Իրազեկման հանդիպումը նպատակ ունի աջակցել քաղաքացիներին հայտարարագրման գործընթացում և բարձրացնել նրանց տեղեկացվածության մակարդակը: Մասնակցության համար անհրաժեշտ է գրանցվել։
