Դեռ տարեսկզբին Արտակարգ ալիք տեղեկատվական ՀԿ-ն հայտարարել էր «Կանաչ և դիմակայուն Տավուշ» խորագրով կոալիցիա ստեղծելու մասին՝ իր համագործակցությունն ու տեղեկատվական խողովակներն առաջարկելով Տավուշի մարզում գործող գործընկեր ՀԿ-ներին՝ ի նպաստ մարզում ժողովրդավարության ամրապնդման և քաղաքացիական բարձր ինքնագիտակցություն ունեցող և համայնքային կյանքում ակտիվ դերակատարում ունեցող քաղաքացիների ձևավորման: Կազմակերպվեցին առցանց քննարկումներ, առաջարկներն իրենց տեղը գտան բաց հայտարարության մեջ:
Ապրիլի 20-ին Իջևանում տեղի ունեցավ կոալիցիոն փաստաթղթի ստորագրման արարողությունը:
Արտակարգ ալիք տեղեկատվական ՀԿ և Տավուշ Մեդիայի խոհրդի նախագահ Նիկոլայ Գրիգորյանը ներկայացրեց Արտակարգ ալիքի առաքելությունն ու գործունեությունը:
2019 թ. Արտակարգ ալիքը գործունեության սլաքն ուղղել է Տավուշի մարզ՝ իրականացնելով Դիմակայուն Տավուշ ծրագիրը՝ կառավարման և տեղական ինքնակառավարման մարմինների ու բնակչության ամենալայն խավերի և երեխաների իրազեկում-ուսուցում-պատրաստում, ինչպես նաև տեղեկատվական անվտանգության ապահովման, մեդիագրագիտության խթանման, ամենահեռավոր սահմանամերձ համայնքներ տեղեկության մատչելիությունն ապահովելու համար:
2020 թ. սկսվեց Տավուշ մարզային հեռուստաալիքի հեռարձակումը, գործարկվեց Տավուշ մեդիա կայքը, ծրագրվում են մարզային ռադիոյի թողարկումն ու երիտասարդ լրագրողների կենտրոնը:
Կոալիցիայի ստեղծման նպատակն է․ Տավուշ մեդիայի տեղեկատվական հարթակները ծառայեցնել՝ մարզում ու ժողովրդավարությունն ամրապնդելու և ձևավորել- դաստիարակել քաղաքացիներ, որոնք կունենան բարձր ինքնագիտակցություն և ակտիվ դերակատարում հանրային կյանքում։
Հասարակական կազմակերպությունների ներկայացուցիչները ներկայացրեցին իրենց կարծիքն ու դիտարկումները Տավուշ Մեդիայի գործունեության վերաբերյալ: Կարծիքներն ու առաջարկները մեղմօրոր փոխվեցին հաճելի բարեմաղթանքների, որովհետև օրը նաև հոբելյանական էր՝ Տավուշ ՀԸ-ն դարձել էր 2 տարեկան:
Դիմակայուն և կանաչ Տավուշ կոալիցիա կազմելու հրավերը բաց է մարզում գործող բոլոր կազմակերպությունների համար։
ԲԱՑ ՀԱՅՏԱՐԱՐՈՒԹՅՈՒՆ
ք․ Իջևան, 20-ը ապրիլի, 2022 թ․
Սույն գրությամբ Արտակարգ Ալիք տեղեկատվական ՀԿ-ն հայտարարում է «Կանաչ և Դիմակայուն Տավուշ» խորագրով կոալիցիա ստեղծելու մասին՝ իր համագործակցությունը և տեղեկատվական խողովակներն առաջարկելով Տավուշի մարզում գործող գործընկեր-հասարարական կազմակերպություններին՝ ի նպաստ մարզում տեղական ժողովրդավարության ամրապնդման ու քաղաքացիական բարձր ինքնագիտակցություն ունեցող և համայնքային կյանքում ակտիվ դերակատարում ունեցող քաղաքացիների ձևավորման:
Կոալիցիայի ձևավորման անհրաժեշտությունը երկրի զարգացման աշխարհաքաղաքական և քաղաքացիական զարգացման համատեքստում. հաշվի առնելով զարգացման արդի փուլում երկրի առջև ծառացած բազմաթիվ մարտահրավերները՝ կապված ժողովրդավարական արժեքների թերարժևորման, մարդու հիմնարար իրավունքների, այդ թվում՝ խոսքի և մամուլի ազատության սահմանափակումների հետ, բարձր գնահատելով հանրային համերաշխության և հասարակության տարբեր շերտերի միջև համագործակցության և կառուցողական երկխոսության պլատֆորմների ձևավորման անհրաժեշտությունը, ճանաչելով ՀՀ Սահմանադրությամբ ամրագրված մարդու և քաղաքացու հիմնական իրավունքների և ազատությունների հարգումն ու պաշտպանությունը, կարևորելուվ բնական, տեխնածին, սոցիալական, համաճարակային, բնապահպանական, քաղպաշտպանական վտանգներն ու դրանց ռիսկերի կառավարման գործում տեղական ինքնակառավարման մարմինների և լայն, մասնավորապես սահմանամերձ գոտու, բնակչության իրազեկվածությունը, դպրոցների պատրաստվածությունն ու դիմակայունությունը, կանխարգելման և անվտանգության կանաչ մշակույթի դաստիարակությունը, արժևորելով մարզի բարոյահոգեբանական մթնոլորտի բարելավումը, կենսասիրություն և լավատեսություն, հույս և ապրելու կամք ներարկելը, պատանիներին ու երիտասարներին ներգրավելը, ներգրավված քաղաքացի դաստիարակելը, քաղաքացիական ակտիվություն խրախուսելը, տարբեր ոլորտների հաջողության պատմություններ ներկայացնելը, մարդկային ու ընտանեկան պատմություն-սյուժեներով առօրյա կյանք վերադարձնելը, հատկապես սահմանամերձ մարզի և ամբողջ երկրի համար հող հայրենիի նկատմամբ սեր բորբոքելը, նվիրյալ ու նպատակասլաց, հաջողակ ու երջանիկ մարդկանցով վարակել-քաջալերելը, հողից բերք ստացողի, քարից հաց քամողի, իր մտքով, աշխատանքով բարեկեցության, հաջողության, նվաճումների հասած մարդկանց օրինակի հանրայնացումը, վարկանիշի բարձրացումը, աշխատանքի նկատմամբ՝ բարիքաստեղծ, գրագետ, արդյունավետ, գիտելիքահենք, հարգանքի ձևավորումը, գործարարության հաջողության բանաձևերի ներկայացումը, հետաքրքրումն ու ներգրավումը, ինքնավստահության, սեփական ուժերի ու վաղվա օրվա նկատմամբ հավատի ներարկումը, Արտակարգ Ալիք տեղեկատվական ՀԿ-ն հրավիրում է միանալ «Կանաչ և Դիմակայուն Տավուշ» կոալիցիային՝ այդ նպատակով պատրաստակամ լինելով ներդնել իր ռեսուրսներն ու տեղեկատվական խողովակները, ինչպես նաև՝ ներուժն ու փորձագիտական կարողությունները:
Արտակարգ Ալիք տեղեկատվական ՀԿ-ի մասին (Տավուշ Մեդիա)
Արտակարգ Ալիքն արդեն քսանհինգ տարի իրազեկում է մարդկանց` իրենց սպառնացող արտակարգ իրավիճակների ու ռիսկերի, կառավարման մարմինների պլանների ու ծրագրերի, բնակչության վարքականոնների մասին` հեռուստատեսության, ռադիոյի, տպագիր մամուլի, սոցիալական ցանցերի, անմիջական շփումների, քննարկումների և այլ միջոցներով՝ տրամադրելով հավաստի, շարունակական, անհրաժեշտ ու օգտակար տեղեկություններ` նպատակ ունենալով բարձրացնել բնակչության իրազեկվածությունը, պատրաստվածությունն ու պաշտպանվածությունը՝ նաև բարոյահոգեբանական, ապահովելով նրանց ներգրավվածությունը:
Արտակարգ Ալիքը երկրում տարաբնույթ ճգնաժամերի, բնական ու տեխնածին, համաճարակային ու բնապահպանական, սոցիալական արտակարգ իրավիճակների վերաբերյալ տեղեկատվության առաջին տարածողն ու զարգացնողը եղավ` բացելով պետական գերատեսչությունների փակ դռներ, ապահովելով պետական մարմինների աշխատանքի թափանցիկությունը և հասանելիությունը բնակչությանը:
Մուտք դեպի տեղեկություն, մուտք՝ դեպի արդարություն:
Նշանաբանը. Ով իրազեկված է, նա պաշտպանված է:
Արտակարգ Ալիք տեղեկատվական ՀԿ-ն Տավուշում
2019 թ. Արտակարգ Ալիքը գործունեության սլաքն ուղղել է Տավուշի մարզ՝ իրականացնելով Դիմակայուն Տավուշ ծրագիրը՝ կառավարման և տեղական ինքնակառավարման մարմինների ու բնակչության ամենալայն խավերի և երեխաների իրազեկում-ուսուցում-պատրաստում, ինչպես նաև տեղեկատվական անվտանգության ապահովման, մեդիագրագիտության խթանման, ամենահեռավոր սահմանամերձ համայնքներ տեղեկության մատչելիությունն ապահովելու համար:
Արտակարգ Ալիք տեղեկատվական ՀԿ-ն ստանձնեց պատասխանատվությունը և 2020 թ.սկսեց Տավուշ մարզային հեռուստաալիքի հեռարձակումը և շուտով նաև կգործարկի Տավուշ մարզային ռադիոն, Tavush Media վեբկայքը և երիտասարդ լրագրողների ուսուցման կենտրոնը։
Այսինքն ստեղծվել է տեղեկատվական ընդհանուր հարթակ, որտեղ կարծարծվեն, կքննարկվեն ակտիվ քաղաքացիության, ժողովրդավարական արժեքների, մարդու իրավունքների, համայնքային խնդիրների և մարզի օրախնդիր այլ հիմնահարցեր՝ իրականացնելով քաղաքացիական հասարակության ակտիվ ներգրավումը։ Այժմ Tavush TV հեռարձակվում է ոչ միայն Տավուշի մարզում այլ նաև Ucom, Rostelecom և կաբելային հեռուստաալիքներով։
«Կանաչ և Դիմակայուն Տավուշ» կոալիցիայի գործունեության հիմնական ուղղություններն են.
- Ձևավորել ներգրավված, համարձակ, նախաձեռնող, վերահսկող, պահանջատեր, հայրենաճանաչ քաղաքացի և հասարակություն:
- Նպաստել տեղական ժողովրդավարության, համամարդկային և քաղաքացիական արժեքների տարածմանը:
- Ստեղծել հարթակներ, որտեղ քաղաքականություն մշակողները, հասարակական կազմակերպություններն ու մեդիա ներկայացուցիչները, ինչպես նաև քաղաքացիները կարող են երկխոսել՝ բարձրաձայնելով համայնքային և հանրային նշանակության խնդիրների վերաբերյալ:
- Խթանել պետական և տեղական ինքնակառավարման մարմիննների թափանցիկ և հաշվետու աշխատանքը:
- Զարգացնել քաղաքացիների հանրային վերահսկողություն իրականացնելու կարողությունները՝ հանրային միջոցների արդյունավետ կառավարման և կոռուպցիայի կանխարգելման նպատակով:
- Խթանել տեղական մակարդակում հանրային մասնակցությունը որոշումների կայացման գործընթացներին:
- Նպաստել մարդու հիմնարար իրավունքների, ազատությունների անարգել իրացմանը:
- Ձևավորել խոսքի, մտքի ազատության, ազատ կամարտահայտման, բազմակարծության նկատմամբ հարգանք՝ զսպելով ատելության խոսքի տարածմանը:
- Տարածել խաղաղաշինական արժեքներ և մշակույթ։
- Զսպել ապատեղեկատվության, կեղծ պատմույթների տարածումը՝ զարգացնելով հասարակության տարբեր շերտերի մեդիագրագիտության մակարդակը:
- Նպաստել ազատ, արդար, թափանցիկ ընտրությունների իրականացմանը՝ դիտորդական առաքելության իրականացման և ընտրական օրենսգրքի վերաբերյալ հանրային իրազեկվածության բարձրացման միջոցով:
- Հզորացնել Տավուշի մարզի տեղեկատվական կարողությունները:
- Բարձրացնել բնակչության իրազեկվածության և մեդիագրագիտության մակարդակը:
- Բարձրացնել լրատվության հասանելիությունը հեռավոր սահմանամերձ համայնքներ:
- Բարձրացնել պատանեկության ու երիտասարդության ներգրավվածությունը մարզի սոցիալական, տնտեսական և քաղաքական կյանքին:
- Ստեղծել երկխոսության և հետադարձ կապի հարթակ՝ Արտակարգ Ալիքի և տեղական ՀԿ-ների, երիտասարդական ու կանանց կազմակերպությունների, սահմանամերձ համայնքների բնակիչների միջև:
- Բարձրացնել բնակչության իրազեկվածությունը, պատրաստվածությունն ու դիմակայունությունն անվտանգությանն առնչվող հարցերի վերաբերյալ:
- Նպաստել ներառական Տավուշի ձևավորմանը՝ նպաստելով խոցելի խավերի և հաշմանդամների հիմնախնդիրների լուծմանը:
- Բարձրացնել հանրային իրազեկվածությունը Տավուշի մարզում գործող ՀԿ-ների վերաբերյալ՝ նրանց կողմից իրականացրած աշխատանքների հանրայնացման և ջատագովման միջոցով:
Հուշագիրը բաց է միանալու և առաջարկների համար (արժեքներ, գաղափարներ, նպատակներ, խնդիրներ, գործակցության ձևաչափեր, ֆորմատներ և այլն):
«Քաղաքացիական Երիտասարդական Կենտրոն» համայնքային զարգացման ՀԿ
«Հույսի կամուրջ» ՀԿ Իջևանի մասնաճյուղ
Հայկական Կարմիր Խաչի ընկերության Տավուշի մասնաճյուղ
«Քմյունիթի սենթր ֆոր դիվելոփմենթ» տարածքային համագործակցության ՀԿ
«Երիտասարդ Տավուշ» ՀԿ
Տավուշի Գիտելիքի նորարարական հաբ
«Տավուշի տուրիզմի զարգացման գործակալություն» ՀԿ
«Բերդ մշակույթի կենտրոն» ՀԿ
«Կանաչ արահետ» գյուղատնտեսության աջակցության ՀԿ
Եվրասիա համագործակցություն հիմնադրամի Հյուսիսային մասնաճյուղ
