Այրում կայարանի հետիոտնային կամուրջը փլուզվել էր 2024 թվականի մայիսին՝ Դեբեդ գետի վարարման հետևանքով: Այրումում աղետի հետևանքների մասին պատմող մեր տեսանյութը դիտեք այստեղ։
Նոր մետաղական կամուրջը Հայաստանին է նվիրաբերել Իրանի Իսլամական Հանրապետությունը:
«Այս պահին մետաղական կամրջի տեղադրման աշխատանքները մեծ թափով առաջ են գնում: Շինարարները հավաստիացնում եմ, որ շատ շուտով կամուրջը պատրաստ կլինի: Սա արդեն երկրորդ մետաղական կամուրջն է, որն իրանական կողմը նվիրում է Հայաստանին՝ ջրհեղեղի հետևանքները վերացնելու նպատակով: Առաջին կամուրջը տեղադրված է Ալավերդու «Սանահին կայարան» թաղամասում»,- հայտնում է ՀՀ տարածքային կառավարման և ենթակառուցվածքների նախարարությունը։
